結伴上街
何詩同麻利亞行到銅鑼灣附近，見到立法會議員何秀蘭正在舉咪，何詩亦舉起手機影相，可見其心情唔算太差；而身為何詩情敵舊愛嘅麻利亞，最近正受商台力捧，將會 喺星期六有新時段節目。
傷心聯盟
何詩孖情敵舊愛失戀大遊行
自從劉浩龍高調承認同容祖兒拍拖後，被指為大輸家 嘅何韻詩一直交足戲情緒低落，上週出席活動時更公開表示：「永遠都唔會有另一半，我會孤獨終老！」情聖上身！
治療失戀除 咗盡快投入新戀情，最好方法就係搵同病相憐 嘅人安慰。週日（ 1日） 7.1何韻詩孖住同樣係輸家，與一樣追求過容祖兒嘅 MV導演 Heison舊愛， 903DJ麻利亞一齊遊行。難得何韻詩愈行愈有笑容，孤獨終老？講笑咩你！
自劉浩龍同容祖兒拍拖後，何韻詩一直交足戲做足受害者角色，一時又話「一刀直插心臟」，一時又自稱「孤獨終老」，明明冇認過同祖兒係一對，忽然又變失戀輸家。
情敵導演追祖兒
Heison因執導容祖兒 MV混熟狂追，可惜因劉浩龍介入而撻 Q，而早前 Heison喺自己 facebook寸爆祖兒。劉浩龍同祖兒被揭拍拖當日，即喺 fb講「……被出賣的感覺是這樣，我要好好的記着今天。」
專撐同志
回歸日 40萬人遊行，黃耀明亦有出席遊行，仲同出名爭取同志權益嘅立法會議員何秀蘭攬晒合照。
遊行治情傷
情路大受打擊，但查實仍有個舞台劇演員鄧九雲行得好密，不過新歡不如七年舊情人祖兒，為治情傷，據知何韻詩返港後頻頻搵人訴苦。最近連情敵、追過容祖兒的 Heison嘅前女友商台力捧 DJ麻利亞，都成為佢訴苦對象，實行組成失戀大聯盟互訴情傷。
週日（ 1日） 7.1大遊行，何韻詩更約埋麻利亞一齊上街。失戀有人陪，阿詩心情好番 啲，雖然沿途懶低調，但一見一向撐同志的立法會議員何秀蘭在街站時，她即拿手機影相。成為何詩傾訴對象 嘅麻利亞週一對本刊說：「我年年都有遊行㗎啦！（咁點解今年搵埋何詩去呢？）我唔可以答㗎喎！你問番佢助手啦，我做電台識佢好正常 啫！（你同 Heison拍過拖，佢又追過祖兒， 𠵱家係咪因為何詩失戀所以 friend咗呀？）我係拍過拖（同 Heison），不過我唔答你喇！冇特別事，只係遊行咋！」
除 咗麻利亞陪何詩，同行仲有 Donald。
對於何韻詩同 Heison舊愛麻利亞一齊遊行，容祖兒表示：「唔知道！」似乎提都唔想提何詩。
五角敵我分布圖
所謂敵人嘅敵人就係朋友， 903 DJ麻利亞同何韻詩齊齊衰喺 Joey手，同仇敵愾分外啱傾。
邊個遊行？邊個擦領導人？
7.1大遊行，雖然警方話得 6萬 3人上街，不過民陣強調有 40萬人，而當中除 咗何詩、明哥外，原來唔同階層 嘅人士都有行出 嚟，選緊港姐 嘅人微妍希陳潔玲、好耐冇蒲頭嘅民主小花周澄、仲有最近大騷必到 嘅龍心，真係好睇過嘉年華呀！
港姐代表
今年應屆港姐大熱門 嘅陳潔玲孖住一同學仔遊行。 40吋長腿勁養眼，問佢做咩 嚟遊行？「因為要支持香港人！」
周澄出眾
政壇索女周澄 喺社民連陣營出現，小背心盡現 fit爆身材。
龍心再現
最近人氣最勁 嘅龍心 7.1亦現身大遊行，豹紋熱褲再坐 喺地，全程開壇作法口噏噏，由龍心自由發揮。
B女黐胡總
B哥喺自己 fb專頁上載同胡錦濤台上合照，仲話自己兩個女個名叫「鍾懿、鍾幗」（諧音鍾意中國）。
鍾鎮濤帶埋愛女鍾懿一同在回歸騷表演，不過網友反應就好大，直指八九年有去《民主歌聲獻中華》嘅 B哥媚共。
留言列表
