向來走親切路線的「Purple姐姐」李紫昕，上周一（廿五日）因《頭條日報》一篇家居訪問，涉嫌迫印傭Lisa瞓「特色」廁所，即令網民在她的微博洗版，鬧爆她冷血無情，Purple事後急補鑊留言澄清，誰知愈描愈黑，被指用大話掩蓋大話，遭各大討論區網民聲討，之後她又被篤爆以虛假身份在網上力撐自己，後來出席活動時卻話自己沒有上網，更不肯答印傭到底睡哪裏，十分此地無銀，惹來印傭協會怒吼她對工人猶如畜牲。

其實除了印傭瞓廁所，網友又指Purple一直隱瞞自己真實年齡，一出道已做兒歌天后的Purple姐姐，一夜間淪為童話巫婆。

在Purple同一幢大廈工作的家傭，看到她在廁所上建牀說：「嘩有冇搞錯呀，廁所嚟喎？好唔合衛生呀！」

在爆出印傭瞓廁所醜聞後，Purple於上周五（廿九日）出席活動被追問印傭到底睡哪裏，她只懂傻笑周圍搵公關求救，默認刻薄印傭。

無限分身自撐

娛圈隱形富婆的Purple最近接受《頭條日報》訪問，大晒位於調景嶺的千八呎風水大屋，她聲稱因為其母不欲與印傭Lisa共用廁所，所以睡牀要度位訂造安裝在馬桶之上。誰知訪問出街當日，該新聞被瘋狂轉貼，半日已有過千個回貼插爆她講到家傭是次等生物，鬧她冷血無情等。

為平息民怨，Purple即晚叫家傭坐在另一房間的牀上扮悠閒睇書，在微博解釋只是一場「美麗的誤會」，又強調那只是「傭人姐姐的獨立洗手間及家人雜物房」，但網民找到她在五月初的留言兼自拍牀照，房間裝潢同出一轍，間接踢爆自己作古仔，被網民笑她「若要人不知，唔好咁低B」。

李紫昕在facebook中不記得登出自己戶口便想扮網友撐自己，終於露出馬腳，她的微博亦有她以不同身份貼上同一段文。

討論區有多名李紫昕分身留言，力撐李紫昕待工人很好。

「狗住得好過佢」

後來Purple在報章回應時再改口賴父親提議，廁所的牀是用來放樂器，但廁所潮濕而會損壞樂器，Purple難道覺得濕樂器音色會正啲？為了再冚大話，Purple在facebook索性扮fans留言撐自己，卻烏龍沒有登出真身再登入虛擬身分留言，鬧網民沒有分析能力，兼力指Purple對傭人很好。之後更出現數十個不同身份，複製貼上整段留言力撐，實在瘀爆。

香港印傭協會發言人Ganika力斥Purple殘忍：「呢個僱主好似當呢位朋友（家傭Lisa）唔係人，只係畜牲看待，件事好失望，僱主咁殘忍o架！我哋咁遠嚟都係搵啖食，狗都住得好過嚟工作嘅人，如果佢有需要會幫佢！」

Purple作為BIOSLIM「徒手瘦面」代言人，負責人Grace不認同她目前形象會影響公司聲譽，但她說：「唔係吓嘩？廁所咁臭！我冇睇過張相，唔夠膽講，如果係真，呢個人係唔係咁樣對人呢？呢件事要再觀察。」

李紫昕現時是新城電台DJ，台長朱明銳回應說：「工人瞓嗰個地方係有少少問題，但以我所知佢同工人感情好好，而工人唔係佢請嘅，呢啲嘢見仁見智。熟識李紫昕嘅都知佢一向推廣好多好事，宣揚和平世界訊息，呢件事對佢形象冇乜影響，公司會繼續全力支持佢。」

李紫昕工人瞓廁所

被網友鬧爆後，Purple解畫說其特色廁所，是用來擺放雜物和樂器，但樂器是絕不能放在潮濕地方，她竟然不知？