Aimee同姚子羚出海都着到咁密實，好彩 2位笑容搭夠，上到船仲同喺岸上嘅 FBI揮手添呀！
FBI File
陳茵媺長洲開船 P
陳茵媺（ Aimee）為新劇《情越海岸線》頻頻到長洲拍外景，天氣咁熱雖然做足防曬措施，但 Aimee話仍然曬到背脊甩皮， FBI都戥佢辛苦。為 咗消暑， Aimee最鍾意買雪條食，仲同姚子羚 2份食添！
買 咗枝孖條， Aimee同姚子羚分甘同味，一 啲都唔獨食，抵佢咁好人緣。
楊明為 咗拍呢套劇，曬到滿面雀斑，不過有傳無 綫再次力捧，惟有叫煎 Pang（陳展鵬）噴多 啲太陽油撐住囉，不過埋位前喪煲煙呢個樣就要戒喇。
晒鋼條
一身肌肉 嘅黃浩然，當然唔介意 show吓 quali，仲露埋紅色底底，引死班妹妹仔呀！
神獸女 Kathy同另一女演員着住泳衣撩楊明煎 Pang影相，仲同對方搭晒膊頭，小心未婚妻呷醋喎！
上週二，成班演員出海拍攝遊船河戲分，一班女星唔使着泳衣，好彩有黃浩然除衫露胸肌， 36歲嘅佢身形真係 fit到漏晒油，當然要騷吓 quali啦！
全站熱搜
留言列表
