爆料保鑣凌劍剛徐子淇前保鑣凌劍剛當差 28年, 05年退休時為高級督察,後曾參選區議員,但落敗。 07年受聘保護四叔一家,自言因性格關係,做唔夠一年就離職。過咗 5年保密協議後,近日大爆富豪保鑣秘聞。呢份工唔易打!(設計對白)
媽咪姐
金枝保鑣大解構
好嘞!就當你集齊以上軟硬件,好似嫁咗俾四叔二仔李家誠嘅徐子淇咁好未?又聽吓千億新抱嘅前保鑣主管凌劍剛點講,「富豪生活唔係一般人想像咁嚮往,佢哋嘅雀籠只係比我哋大小小!」所以想食碗熱雲吞麵都要諗計,睇戲例牌遲到早走。當然,有回報嘅,李太放手袋嘅房,有成間舖咁大,款式仲多到好似博物館㖭!
Well,都係嗰句,呢個世界係等價交換,你想安安樂樂嘆碗平民麵,定規行矩步開間 private museum吖?醒吓啦!上天為咗平衡人間利益,係唔會俾你得到所有嘅。媽咪姐呢,自知無本事兼零興趣做金絲雀,睇吓富貴人家嘅保鑣陣,已經夠 fun㗎嘞!
徐子淇萬能孖咇
貴為千億新抱嘅徐子淇,出身小康,為人隨和,平日行街通常只有兩名貼身保鑣。不過,佢同傳媒關係千絲萬縷,身邊保鑣除咗一般職務外,仲要知道幾時要擋鏡頭,幾時要扮助手。
智擋記者名太去 shopping,十之八九會遇到記者。保鑣擋定唔擋,視乎老細有無化妝、嗰排有無收 order要曝光等等,好複雜㗎!《蘋果日報》圖片
等了又等徐子淇同兩個女去迪士尼。保鑣隔開人群之餘,等,更加係必要嘅!等老細去洗手間,等兩個少主慢慢玩,神心過老公。
撈埋助手做得貼身保鑣,其實等於做埋助手兼保母。老細除咗件褸喎!你唔係唔 9秒 9幫佢拎吓嘛?手袋呢,就唔使嘞! Show time呀。《壹週刊》圖片
小小超虛則實之
預先布陣小小超現身前,司機(藍風褸)同保鑣(西裝)緊密聯絡,睇定情況。
一切 clear之後,李澤楷先急急上車。唔好誤會,開車門嗰兩個係商場保安咋!李生啲保鑣一個上車,幾個離遠𥄫住,好低調。
護埋紅顏近年李澤楷有兩位新歡,公屋之花梁雯影(左圖)同 29歲女大狀梁芳(右圖),佢會搵保鑣秘密送女方到餐廳撐枱腳,又或者 call名人朋友高梁美蘭搵人帶走大狀返屋企,好周到!
《蘋果日報》圖片
留言列表