陳慧琳 潮媽罕有出巡
已經生兩個囝囝陳慧琳(Kelly)，身材依然fit爆，加上一身潮打扮，唔講都唔知佢做媽咪。
日前好姨「激罕」尖沙咀商場shopping時撞到Kelly，本來單睇背影真係認唔出個就係佢，原因係Kelly除近年湊仔返學之外，以往都甚少俾人影到佢私人生活。加上花褲襯白色毛上衣再住個皮背囊，成個潮太模樣。
Kelly當日只係去睇衫，但明顯佢同助手目標都好清晰。兩人齊齊行到去法國品牌時裝店，入面左睇右睇，又問售貨員，但睇15分鐘都冇收獲。出門口之後，Kelly好快就發現有記者影相，但佢冇黑面不特止，重開心咁打招呼。之後見佢落電梯，估計佢可能為自己活動去揀衫。但要Kelly親自出馬搵衫，睇一定係好大件事。
願返無拍劇
自09年四大唱片公司同無交惡，唔少歌星都因為咁遭殃，曝光率大跌。直到今年3月雙方宣佈破冰，正式恢復邦交。上週五(19日)，全新音樂節目《音樂在Mega Live》首次在電視城錄影，出席歌手除李克勤、官恩娜同周柏豪等等外，重有久未無露面Kelly。對於自己好耐未入過電視城，佢覺得有陌生但又有好熟識感覺。
未破冰前Kelly工作已經排山倒海，依家破冰工作量應該會更多。佢重話如果曾志偉親自邀請佢拍劑，一定會好好考慮，到時蝦餃仔同小龍包重少機會見到媽咪喇！不過，Kelly絕對係個好媽媽，因為大仔「蝦餃仔」日前突然發高燒，嚇到Kelly即刻飛車出去買藥，幸好好快就退燒。為個仔同其他同學仔想，唔好將病菌傳傳去，Kelly暫時唔俾蝦餃仔返學住。Kelly又為身體弱細仔「小龍包」唔會俾阿哥傳染，寧願將兩兄弟隔離，又帶佢打防疫針，盡量唔俾佢受感染。
放大圖片
全站熱搜
留言列表
