close


胸壓做導演有着數，基仔在廣告中，安排了一幕被泳衣女胸壓場面。

好好搵

有多年經驗，為自己的MV做埋導演的古巨基，最近撈多瓣入侵廣告界，為他代言的杯麵操刀拍新一輯新廣告。今次處男執導廣告，基仔單是導演費已經收了二百萬，加上香港及全中國代言人費五百萬，荷包脹爆！重酬之下，基仔落足力，狂碌人情咭，又問朋友借了架八百萬勞斯萊斯做道具，甚至親自落場，試女！

包拍一嚿過
已經親自執導超過十個MV的古巨基，導演癮越來越深，早前他與合味道續新約，除了加簽做埋全中國代言人，廣告商知道基仔鍾意做導演，要求他獻出另一個第一次，做廣告導演。有五百萬代言人費落袋的基仔，據知今次兼任導演再進賬多二百萬。「其實我仲未知今次導演嘅酬勞有幾多，因為我係收咗一嚿錢，連製作包拍，要睇吓我成個廣告製作用咗幾多錢，理論上，剩番嘅錢就係我嘅酬勞。（有數得計，保守有二百萬？）總之我哋今次係落重本，單係拍攝期已經三日，又有好多演員，呢啲全部都係錢。」基仔說。

自認巨肌
廣告需要動用超過五十名年輕男女演員，當中包括兩名索女泳衣上陣，基仔親力親為，落手落腳試鏡揀人。「所有演員我都有份揀。（泳衣索女使唔使著住三點式試鏡？）咁又唔使，我哋之前收到啲女仔嘅profile，已經知道佢哋嘅身材，唔使再特別著住泳衣嚟試鏡。（大胸優先？）廣告嘅焦點唔係放喺身材方面，所以唔使大胸，反而有兩個泳褲男就大胸（肌），我都係巨肌，啲男演員唔可以太細……」基仔說。但埋位當日，古導演卻突然要求原本著住三點式的model加多件背心喺面，埋沒大好身材，「廣告賣點係sell產品，加上廣告會全國合家歡時段播，呢個處理會穩陣啲。」

Draw Something
向來鍾意畫畫的古巨基，理所當然是手機app Draw Something擁躉，作為專家，基仔認為用手指喺電話畫畫，比用紙筆難得多，主要是個屏幕細，好難畫得細緻。不過，見基仔所畫的畫，像真度其實好高。 ####


近日天氣開始熱，基仔要喺銅鑼灣鬧市來回走十幾個圈，走到索氣伸晒脷。


任拍攝當日，引來一班泳池對面大廈男士狂，不過相信佢哋唔係基仔，而係女仔。


唔敢望未埋位前，女model已經披上毛巾，但基仔依然唔敢亂望。


做咗導演基仔除了要顧住自己演出外，仲要全程實個Mon，睇埋鏡頭攞位及其他演員演出部分。


基仔話女model唔需要大胸，反而男model就要有巨胸（肌）。


基仔向朋友借了一架價值八百萬勞斯萊斯做道具，為免被人刮花，他派專人負責睇實。


尤達


黑武士


奧巴馬


房祖名 周杰倫

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄