鍾楚紅 低調買波鞋
鍾楚紅近年養尊處優，閒時做品牌代言又或者出席活動，為自己賺零用。其餘時間就同朋友食飯，去旅行享受人生。對於不斷有導演同電影公司邀請復出拍戲，坦言興趣不大。但近日有指導演彭浩翔，希望搵紅姑同周潤發演出電影《春嬌與志明一家》，飾演張志明父母，但一切仍在構思當中。如果成事，必定吸引到唔少fans入場。
紅姑復出與否雖然係未知之數，但老公朱家鼎離開近5年，多年來未見有第二春紅姑，平日冇朋友陪時間都可以自得其樂，當中包括行街shopping。日前好姨撞到紅姑金鐘太古廣場行街，今次行唔係高級名店，而係運動用品店。當日載住帽同墨鏡紅姑，加上一身啡黑色造型，如果唔留心真係留意唔到。紅姑為怕俾人發現，全程頭耷耷。店員見紅姑咁cool，都唔夠膽主動同佢搭訕。紅姑主攻運動鞋，前後試兩款，但都以黑色為主。為睇清楚唔自己，原本低調爆紅姑除墨鏡望真。前後15分鐘，紅姑已經買到心水波鞋兼俾錢走人。
鍾楚紅向來鍾意行山keep fit，平日天未光就已經出發，佢話自己好需要好大空間去接觸大自然，話見到樹木就會開心。當然有時都會同朋友一齊行，大家邊行邊傾，又係另一番情趣。睇呢對新波鞋，會陪住紅姑上山落水。
放大圖片
全站熱搜
留言列表
