鍾嘉欣水着寫真攻書展

■鍾嘉欣戴逾三億元翡翠行騷，行頭冠全場。

鍾嘉欣與模特兒Jocelyn及姚書軼昨日在灣仔為珠寶展行騷，鍾嘉欣晒事業線，戴上價值三億三千萬元的翡翠觀音首飾，行騷時打頭陣兼壓軸，並為展覽剪綵，不論行頭與排場，都比戴着逾一億元翡翠珠寶的Jocelyn及姚書軼勁。

呻男友冇送首飾

鍾嘉欣表示在台慶戴過貴珠寶，但以這次行頭最貴，又重又怕跌，搞到她不停摸身上首飾，笑說：「身家大，好難孭。」她謂媽媽喜歡翡翠玉器，已留嫁妝給她：「留玉鈪、龍鳳鈪，我將來會留畀囡囡。我有隻玉鈪由細個戴到入行前，怕唔襯要除，好難除。」問緋聞男友伍允龍曾否送她首飾？她說：「冇喎。」
鍾嘉欣隨即轉話題，她謂前日從關島回港，在當地影寫真，準備在書展推出，膚色黑了兩度。問寫真中有否性感泳照？她表示相片與很多小朋友一同拍攝，最近多不愉快的新聞，希望藉寫真發放正能量：「有着比堅尼，但外面仲有好多件衫，唔係騷身材，唔同廣告，唔性感。」怕男友詐型？她說：「怕媽咪詐型多啲，佢反對大，唔鍾意我性感同拍親熱戲。」叫伍允龍買幾本寫真？她即舉起手中的咪高峯遮面：「唔識答，好熱，唔係尷尬，係多人先好熱。」寫真最性感是甚麼？她說：「係眼神，着泳衣得個頭凸出水面，想用眼神電人，但電唔到。」她謂打算捐出寫真酬勞，如銷情理想，想成立基金。
姚書軼知道翡翠叫價億元，表示若男友送是好事，問是否收到就即嫁？她說：「都好，睇佢對我好唔好。」她笑說自己要儲兩世錢才買到億元翡翠，有儲兩卡以上的鑽石，但知道現在三卡起才保值就感心灰。
採訪：盧妹

■鍾嘉欣日前到關島影寫真暴曬，昨日穿白色長裙，顯得膚色黝黑。
攝影：陳俊強

■Jocelyn（左）與姚書軼同戴上逾億元珠寶行騷。

鍾嘉欣豪掃鞋慳住食

日前ontv追蹤部隊發現無綫花旦鍾嘉欣，獨自在銅鑼灣行街，向來「慳家」的她卻在鞋店瘋狂掃貨。

ontv追蹤部隊當然不會放過任何機會，繼續追蹤到底！當日晚上七時，穿短裙的鍾嘉欣先在店內逛了一圈，然後挑選多對靚鞋試穿，見她試完一對又一對。雖然鍾嘉欣穿短裙，但全程保持儀態，沒有走光，大約半小時後，她即買了三對心水靚鞋，認真大手筆！最後她到附近一間零食店，只買了一支水及餅乾，愛靚唔愛食，所以幾時都話女人錢真係易賺。

鍾嘉欣半小時內買了三對鞋。

鍾嘉欣比堅尼寫真收埋身材

無綫花旦鍾嘉欣昨日出席某珠寶展，穿上性感tube dress的她戴上價值3億3千萬港元的翡翠觀音首飾行騷。首次戴逾3億首飾上身的嘉欣謂：「我不斷摸住佢，因為好重，驚佢會跌，呢副身家真係好大、好難孭，但我覺得非常靚。媽咪好鍾意儲玉器，都有留玉鈪畀我。（嫁妝？）媽咪留咗啲龍鳳鈪、玉器翡翠畀我，第時都會傳畀個女。」

佩戴昂貴首飾行騷的嘉欣坦言有很大壓力。

前晚凌晨由關島返港的嘉欣透露在當地拍首本寫真，問是否穿比堅尼？她說：「有，但有好多衫over個bikini，今次寫真唔係刻意騷身材，係想開心，去到關島陽光與海灘，冇理由着冷衫落水。最性感都係我眼神，因為我成個身入咗水，得個頭凸出嚟，所以都見唔到我着bikini。」問是否怕緋聞男友伍允龍詐型？嘉欣即尷尬稱「唔識答」。她又稱寫真於7月書展推出，有意捐出酬勞。