| 何倍倩 爆靚孕媽 佗B食療 |
龍年引發生仔效應，連帶蛇B亦陸續有來，恒生新抱何倍倩、玩具大王長女蔡加敏、名模蔣怡和Lisa S.的BB排住隊等出世，她們教路佗B食療做個靚孕媽，更有本事肥肚唔肥身，輕輕鬆鬆生個金笸籮。
何倍倩日日低脂餐
恒生創辦人何善衡孫新抱兼Zensation老闆何倍倩（Anina），懷龍鳳胎八個月，體重只重了廿二磅，現時一百三十磅。得天獨厚的她，手腳仍舊纖瘦，臉蛋繼續尖，日前更穿上高踭鞋，去跑馬地周國豐代理的Vi-Spring，為一對即將出世的子女買牀褥。她選擇了一張一萬二千元的天然物料彈簧牀褥，和Silver Cross的牀架，埋單合共一萬八千二百元，「上次個仔張牀仲好新，用得番，今次買一張得啦。」
何倍倩不可以食奶類食品，因為會反胃，惟有多食芝士和乳酪，補充鈣質。
她常飲花膠湯，但每次只會食少少花膠，「大肚婆日補夜補，想唔肥都唔得。」
平日常飲果汁代水，最多飲番茄汁，含豐富維他命C。
別的孕婦佗B佗得肥腫難分，何倍倩佗孖胎理應更甚，她為了保住靚樣靚身材，拒絕「日補夜補」，「每日食三小塊五厘米的花膠，補充蛋白質，另加兩湯匙燕窩，和兩條冬蟲草燉湯。我飲奶會反胃，惟有日日食高鈣低脂芝士焗西蘭花和乳酪補充，食雞蛋唔食黃，唔肥又高蛋白質。另外桑寄生蛋茶可以穩胎，三文魚有omega3，BB會聰明啲，我食的全是低脂。」
懷孕四個月開始每日使用Baby Plus胎教機，「上一個朋友介紹用，我覺得個仔幾乖幾好，今胎都繼續用。」
她每日一得閒就聽莫札特音樂，有助提升胎兒和幼兒學習能力。
全站熱搜
留言列表
