close


再問樁你㗎！（設計對白）

上個禮拜二（四月十七日）下午，朱茵同黃貫中先响微博做定預告將為人父母，即晚再十指緊扣從吉隆坡返港，親口宣布好消息，阿Paul仲話計劃好同朱茵年底結婚，點知突然有龍B，一時間打亂晒陣腳。


拍拖十四年，但朱茵係基督徒，又開口埋口話反對婚前性行為，最終先有後婚。有傳媒問起「禁果」問題，阿Paul護妻搶答：「你問我罷啦，你留喺度，我慢慢同你傾。」準太太大條尾俾人捉住，加埋阿Paul老豆近日接到唔少fans電話，追問佢抱孫嘅事，阿Paul細佬黃貫其㷫到响微博留言：「我爸已八十多歲健康不太好，請妳們給一點私人空間Paul的家人。」接住阿Paul留言：「一切原因都不是理由，過了，太過了，我亦已到達容忍的極限！」睇嚟阿Paul比朱茵更早有產前狂躁症。 ####


準黃太朱茵全程陪笑，由阿Paul一個人答晒所有傳媒問題，有記者一講「基督徒」三個字，阿Paul即拖朱茵走人！


由保安圍圈護送，兩個全程十指緊扣行上車，有咗三個月嘅朱茵未見肚先脹胸。


阿Paul同朱茵上載半裸照公布喜訊，張相係知道有BB之後專登搵Wing Shya影。


阿Paul護送朱茵返九龍城娘家，其間有人吩咐載住保安員嘅七人車响機場隧道彎位停死車阻截採訪，一度引起大塞車，事後警方「邀請」七人車司機問話。


突然做老豆，阿Paul自爆思緒不受控，要夾band先可以發洩！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄