close


晒馬坐名車入場，行頭係老闆兩架勞斯萊斯，藝人以霆鋒為首，孖自己友林欣彤同車嘅林峯（箭嘴），車隊中排第七，係7仔。

英皇集團成立七十周年，嚟緊九月中會搞大型party之外，星期日（四月二十二日）先拖齊人馬，喺將軍澳高爾夫球場舉行周年活動啟動儀式。


由老闆楊受成到公司高層，容Joey、謝霆鋒等一律出席，原本一連幾日陰天落雨，唯獨活動當日出猛太陽，一班阿哥阿姐，個個曬到妝溶汗出。公司大典，獨欠身在內地拍戲嘅阿嬌鍾欣桐、新加盟EEG旗下嘅鄭嘉穎亦被指避開林峯冇蒲頭。少兩個唔少，反正一姐一哥容Joey、謝霆鋒在陣，兩個企正靚位，陪住老細坐，地位鐵筆都撬唔郁。林峯後台無論幾硬，但喺由兩駕勞斯萊斯老細車打頭陣入場環節，佢坐嘅車排第七，唔係「親生」，一哥冇佢份，只可以做7仔。 ####


唔夠資格做阿一，但林峯有大批死士戙喺現場吶喊，係威係勢。


出道就係英皇人嘅Joey、霆鋒，喺公司地位始終高其他人幾班，晒冷大合照，兩個排位，同高層核心最接近。


一大早通告化妝整頭等埋位，太陽中午曬到應，遮同汽水，都係救星。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄