Kibby的公主牀放滿公仔， Kibby手上的小仙子毛公仔購於日本，是她的陪睡寶寶。
星悅居
藍莓童話屋 劉俐
童話的公主住在城堡，都市冇城堡，不過只要動動腦筋，一樣可以營造童話感覺。
「藍莓」劉俐（ Kibby）將喜愛的小仙子 Tinker Bell及公主擺設放滿一屋，連牆壁都貼滿貼紙及照片，為自己搭建出一片童話天地。
「藍莓」劉俐租住新蒲崗一個六百呎單位，家中到處都可以發現小仙子 Tinker Bell的收藏物和擺設，其至連客廳大牆上都貼上小仙子的剪影貼紙。訪問中劉俐亦不時流露對小仙女的喜愛。
「細個睇過 Peter Pan嘅卡通之後，就覺得佢身邊嘅小仙子 Tinker Bell好靚。小仙子勤力、精靈、自由，同我嘅性格都好似，所以我自小就儲佢啲嘢。不過小仙子嘅物品唔係周圍都買到，好在有 fans知道我鍾意，會周圍搜尋佢啲精品送俾我！」劉俐說。
藍莓客廳牆上貼了小仙子電影的貼紙：「我唔想間屋白色咁單調，所以特登買自己鍾意嘅小仙女款式貼紙點綴吓！」 
藍莓客廳中收藏了很多小仙子精品擺設：「其實大部分都係 fans知道我鍾意送俾我，佢啲產品比較難搵！」 
呢個 Tinker Bell造型嘅 Barbie係「香蕉」王淑玲送俾劉俐嘅生日禮物。 
飯廳的組合櫃放咗咖啡機同酒櫃格，飯枱牆上又有燈膽圖案，十分鬼馬。
愛犬唔俾旅行
愛自由的劉俐，在家中排行最細，她十多歲時跟隨家人從福建到香港定居，與父母及兩個姐姐同住，故一直希望自住獨立。她初中開始兼職做模特兒， 10年終於有能力搬出去自住。「我由細到大都希望可以擁有一個自己嘅小天地，布置到好夢幻咁，得閒又可以請朋友嚟飲嘢開 party。但其實我都仲係好依賴屋企人，佢哋成日都會嚟陪我。」
除了家人，劉俐亦有一個伴，就是她的芝娃娃愛犬 Sasa。「 Sasa係我 10年買，開心同唔開心佢都陪住我。雖然我有間屋仔俾佢住，但佢通常都係同我瞓。 Sasa瞓覺發出啲鼻鼾聲好似恐龍咁嘈，超過癮㗎！ Sasa每次見我執行李去旅行，都會整色整水阻住我，好似好唔捨得我咁，搞到每次去旅行我都好掛住佢。」
客廳其中一個角落係藍莓愛犬 Sasa嘅私人天地，牆上亦貼滿藍莓與好友的即影即有相。 
Kibby與超盈在共同朋友的派對上認識，牆上亦有不少與超盈的貼面合照。 
Sasa今年 3歲，還未絕育，藍莓仲話想公開招親，幫佢搵番個伴。
劉俐英文名叫 Kibby，所以在門口放了一張「 Love Kibby」地氈。 
藍莓在睡房房門掛上 sexy girl及小仙子門牌，反映她童真及性感兩面性格。 
藍莓 Profile
真名劉俐（ Kibby），今年 23歲， 08年簽為無綫藝員，加入美女廚房做「藍莓」。近年劉俐曾與林峯傳緋聞，早前又在《法網狙擊》色誘白健恩，搶盡風頭。
留言列表
