close

 

《那些年》金像獎再下一城，陳妍希名利雙收，居然想飛起經理人柴智屏（左），當日頒獎禮後台，兩個交足戲，加埋導演九把刀，一齊手拖手見傳媒。

奀星變女神
上個禮拜金像獎，「最佳兩岸華語電影」繼續係《那些年，我們一起追的女孩》。全亞洲總票房超過10億台幣，大贏家除咗導演九把刀，仲有女神陳妍希。廣告代言走埠商演，過去一年保守估計，陳妍希收入破千萬台幣。由二三線奀星成為今日亞洲女神，經理人柴智屏的確獨具慧眼，過去咁多年，捧紅過金城武同F4，6年前睇中美國學成歸台嘅陳妍希，今時今日終於做出成績，但有傳陳妍希見利忘義，唔打算同柴智屏續約。對於傳聞，女神大方承認：「都還在談（續約），不過我和柴姐（經理人柴智屏）聊過，應該會出去外面看看。」至於過檔怕唔怕俾人講閒話，女神堅定不移：「就像孩子出國，不代表他們不愛父母。我永遠都記得，柴姐是第一個提拔我的人。」

神話爆破
我同樣永遠記得，當年F4紅到嚇死人，言承旭帶頭作反鬧經理人柴智屏係「吸血鬼」，據聞當年四子有名冇利，大部分收入俾經理人吸乾晒，仲要日做夜做冇得休息，不過今次陳妍希離巢原因，錢，唔係最大分手誘因，而係女神覺得自己貴為「國際明星」，所以對經理人要求更加高。人望高處，不過陳妍希高得有啲過分，雖然《那些年》收得，但佢爆紅後孭飛嘅另一部電影《愛的麵包魂》，以及偶像劇《珍愛林北》、《記得•我們有約》，票房、收視全仆，換個角度睇，最紅嗰個其實係沈佳宜。陳妍希要發巨星夢，導演九把刀仲離譜，《那些年》袋10億票房，居然仲欠緊銀行十幾萬台幣助學貸款，呢位富貴債仔大條道理話：「欠着也是種風格！」我覺得你欠打多啲囉！


當年言承旭帶頭插爆柴智屏係吸血鬼，5年後，言承旭離巢自組公司，响06年F4演唱會同柴智屏一抱泯恩仇，其實今時今日F4四子已經同佢冇約，如果陳妍希走埋，柴智屏手上紅星只係得番柯震東。 ####


6年前簽柴智屏，陳妍希暗示當年俾人賣豬仔，因為佢入行只係想做歌星，唔係拍偶像劇，家陣終於簽到唱片公司，年尾可以出專輯，但佢話冇打算搵柯震東合唱。


被封女神後，舊年7月電視台推出由陳妍希孭飛偶像劇《珍愛林北》，同豬哥飾演兩父女，連個髮型都一樣，埋單收視得0.65；另一套《記得．我們有約》仲慘，得0.38，唔怪之得俾人話女神泡沫爆破。


（《蘋果日報》圖片）


覺得自己係「國際明星」，先排陳妍希嚟香港做宣傳，明明著長裙都要叫助手俾件衫佢遮腳，誇張！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄