被南韓人譏為「平壤肥豬」嘅金正恩,又叫金三胖(第一胖阿爺金日成、二胖係佢老竇金正日),為咗要有阿爺同老竇嘅威嚴,佢竟然三年內整咗六次容。終於同阿爺老竇有啲似樣! 

媽咪姐

金正恩癲夾狂

掌權一年多嘅北韓最高領導人、 30歲嘅金正恩,最近狂態盡現,又話要攻美國、又話要打南韓,近日仲揚言喺 15號(即係佢老竇金正日生忌)開炮㖭。

 

金正恩咁樣一搞,真係令好多所謂軍事專家跌爛一地眼鏡。當年佢接掌北韓時,好多人都話佢會比老竇金正日開明、開放。誰不知原來佢比阿爺同老竇更狂更狠。正式出任領導人後,已先後試射導彈同三次核試,仲單方面宣布南北韓停戰無效,搞到全世界都無佢符。依家最令哈韓迷擔心嘅,就係服緊兵役嘅藝人好似 Rain、 SJ嘅利特、金希澈等會唔會被派上前線啫?


老竇金正日 

阿爺金日成 

少年金正恩

金正恩老婆李雪洙據講係博士生,曾經做過歌舞團主唱。唉,肥頭耷耳嘅金正恩竟然有個咁正嘅老婆,媽咪姐真係戥佢老婆覺得肥膩。 

早前北韓網絡竟然俾人惡搞,除咗將金正恩變成豬八戒外,更有「通緝令」。此黑客真係食咗豹子膽。 

紅圈呢個女仔,傳聞係金正恩個女。唔係媽咪姐講㗎,係美國 NBA公牛隊前隊員 Dennis Rodmom(小圖)講㗎。佢曾應金正恩之邀訪問北韓。


南韓人愛用國貨,反而半封閉嘅北韓領導人金正恩選用台灣產 HTC智能手機。估佢唔到哩!

tvb4life 發表在 痞客邦 留言(0) 人氣()