亂髮掃貨
Janice Man呢個亂髮造型唔算驚嚇,最令人詫異嘅係,近年代表作欠奉嘅佢,都可以拎名袋揀靚衫,生活寫意。

媽咪姐
Janice Man富泰
鄺美雲拋低榮華富貴傳教,但今年只得 24歲 Janice Man(文詠珊)就竟然搞到自己變闊太咁款。
由𡃁模升呢做模 Art,再晉升成為黎明愛將嘅 Janice Man,近日被指撇甩拍拖七年嘅圈外草根男友李冠峰,繼而極速搭上有米男友。女神咁力爭上岸,難怪佢冇乜嘢撈,生活都可以咁富泰。

早前媽咪姐喺中環撞到 Janice現身中環置地廣場置新裝。當日佢着住淺藍色牛仔西裝褸,內襯白色通花上衣,手揸炒價高達 12萬嘅 Hermès Birkin手袋,加埋頭上老土碎花髮箍,好似啲少婦晏晝瞓醒冇嘢做,挽住名袋落街 fing錢咁款。講真一句, Janice近排頂籠一年兩部戲,收入唔算太多,都有能力咁富泰,真係本事。唔好再話 80後唔積極進取喇!

助手服侍
唔止有財仲有架勢,買衫全程都有男助手跟身。只要佢一伸手揀衫,就將手袋俾助手拎,認真巴閉。

舊愛玩完
今年初, Janice Man同七年拖友李冠峰俾報章影到一齊鬼祟睇戲,點知上月底就傳兩人分手。

tvb4life 發表在 痞客邦 留言(0) 人氣()