我以後要錢唔要帥!(設計對白)

柄埋美國生女嘅楊思琦,帶B女Krystal(楊卓穎)返香港兩週後,上星期三(四月四日)火速復工,現身大埔做商場活動。產後未完全修身,加上要餵人奶,是日著低V短裙見人嘅思琦上圍明顯升cup,對住大批傳媒追問產後抑鬱、吳帥係咪早有大陸正印同批評楊母難搞等問題,逐樣答。


要做單親媽咪,二五話楊思琦已經做好心理準備,返到香港要面對陸續有來嘅問題,仲話思琦係個好固執嘅人,好似當初吳帥俾人隊爆係空心老倌,身邊好多同佢關係親密嘅人都勸佢考慮清楚,究竟仲要唔要個B,但思琦實在好鍾意小朋友,堅持無論結果係點,都會生同盡自己責任。經手人不了了之!好在楊思琦仲有樂易玲做水泡,發散人幫佢接job,又落晒order,嗌啲監製開劇預埋佢,充分表現大媽本色! ####


大會安排楊思琦幫公仔換尿片,又同BB貓扮靚,考驗佢湊B本事。


俾大批傳媒追住影,商場派出多名工作人員,手拉手圍住送楊思琦走。

stacylife 發表在 痞客邦 留言(0) 人氣()