入完油,倪震留响油站煲電話粥,仲講咗兩個電話先肯走。

最近倪太周慧敏見報率相當高,上個禮拜一(二日)又同鍾楚紅、劉心悠一齊出席美容中心活動,老婆周身唔得閒,倪震雖然冇乘機開屏,但上個禮拜五(六日),《壹》仔巡邏見到佢揸住架車响跑馬地油站入油,職員幫佢打爆錶,倪震冇開車即刻走,反而留响原位連續講咗兩個電話。


有些少常識都知,油站係唔可以講手提電話,外國有油站試過因為咁發生爆炸,其實將架車駛出油站唔使三秒鐘!响油站煲完電話粥,倪震終於開車走,依佢嘅行車方向,係返屋企,但佢就踩大油,仲要行對頭線過架「學神」,一錯再錯!好在同開屏無關。 ####


「學神」龜速行駛,倪震冇耐性,兜巴cut去對面線爬頭走。


倪太周慧敏同鍾楚紅、劉心悠一齊出席活動,被形容為三代女神。

stacylife 發表在 痞客邦 留言(0) 人氣()