我係亞視一姐,唔做茄喱啡!(設計對白)陳煒以為去到無綫可以大展拳腳,點知簽約後,只被安排做大配角。

叫座花旦買少見少,嚴重缺人情況下,無綫只好積極搵外援幫手迎戰王維基,近期還向以拍電影為主的周秀娜、劉心悠及Janice Man(文詠珊)埋手,但電影女星即使肯拍劇,也一部起兩部止,非長遠解決辦法。退而求其次,無綫於是鎖定無收視的亞視花旦,轉會補倉,包括早前以低價簽約兩年的前亞視一姐陳煒,簽約前講明錢其次機會要緊,點知簽約後套套劇都做大配角,加上眼見同樣是亞視花旦的萬綺雯,竟然遲嚟先上岸,獲無綫厚待,拍住郭晉安擔正做女主角,陳煒即時呻笨嗌後悔。

套套做大茄
三十八歲的前亞視一姐陳煒,四年前嫁給台灣商人後淡出娛樂圈,今年初,無綫招手邀她復出拍劇,陳煒飯應。「TVB搵煒哥(陳煒)嗰陣,講到好有誠意,會度身訂做劇集俾佢拍,又話會有一套時裝劇《法網狙擊》俾佢孭飛,喺《金枝慾孽貳》佢會做一個重要角色,聽到咁多機會,雖然無綫出手低,只肯俾五千蚊一個騷(少以前亞視一半),佢都唔理咁多,好快答應簽約。」陳煒身邊人說。陳煒二月動筆簽約,之後無綫的確有安排她在《金枝貳》演出一角,同陳豪有對手戲,但實則得一集戲,出場無耐就要死,幾乎同過鏡無分別;至於講明擔正、四月開拍的《法網狙擊》更加貨不對辦,該劇真正女主角是楊怡與陳敏之,陳煒只算大配角。

遲來先上岸
陳煒之外,同一時間,無綫亦積極拉攏亞視另一當家花旦,擁有四十二吋長腿的萬綺雯過檔。與陳煒兩種態度,萬綺雯一副唔志在吊高嚟賣,堅持要無綫實牙實齒,講明拍邊套劇同邊個做對手佔戲幾重,否則寧願不合作。無綫為搶人,種種條件都願意配合,聲明會讓她與郭晉安、王祖藍合作新劇《老表你好嘢》,她是第一女主角,利誘簽約。據知萬綺雯已落實過檔,目前尚欠小量細節未傾好,預計四月中會正式簽約。知道萬綺雯遲嚟先上岸,第一套劇就做女主角,陳煒當然唔好過,狂呻被無綫搵笨。問到陳煒是否習慣新公司的工作模式時,她坦白說:「覺得好唔公平,好似拍《金枝》,我收一個騷錢,但係又要去學崑曲,要做多好多嘢!」 ####


咁猴擒做乜!(設計對白)萬綺雯一副唔願做態度,反而令到無綫更加重視。


陳煒有份客串《金枝貳》,但一出場無耐就要死,試造型當日,她都只被安排靠邊站。


四月底開拍《法網狙擊》,女主角是楊怡同陳敏之,並非陳煒所講是自己。


近年無綫越來越重用亞視過檔藝人,新劇《Chok氣一族》就用了陳展鵬同田蕊妮兩位前亞視人,做第一男女主角。(《蘋果日報》圖片)


曾幾何時,萬綺雯騷42吋長腿為亞視拍《我和殭屍有個約會》,收視對無綫造成威脅。


萬綺雯入無綫頭炮,就夥拍郭晉安同王祖藍,拍喜劇《老表你好嘢》。


(《蘋果日報》圖片)

stacylife 發表在 痞客邦 留言(0) 人氣()