I’ ll be back!(設計對白) 

媽咪姐

喬寶寶開暫別 P

講咗一排,喬寶寶終於都要暫別香港嘞!媽咪姐知道佢喺 4月 22日會搞一個告別派對,同李思捷、陳展鵬、吳國敬、古明華、李思欣等圈中好友 say goodbye,之後佢就要返英國同太太一齊坐移民監,一坐就坐三年。佢同媽咪姐講:「好在每年都有三個月時間走盞,可以返香港做嘢搵錢幫補吓。另一方面我搵緊律師幫手,希望可以縮短坐移民監嘅時間。」

 

 


我都嚟撐你!(設計對白)古明華因認識喬寶寶的經理人而相識,故古佬也來撐場! 

李思捷同喬寶寶喺《原來愛上賊》同《荃加福祿壽探案》(左圖)合作過,兩人都是搞笑高手,甚啱嘴形。 

喬寶寶同陳展鵬拍《衝呀!瘦薪兵團》拍到肉帛相見,自然 friend過打 band。

 

媽咪姐聽見都無奈,反而喬寶寶睇得開,佢仲話:「錢係搵唔晒,去英國都係想有番 family life啫!」希望盡快喺熒幕可以見番佢啦!


細仔喬寶貝要喺英國醫病,但係喬太 Kaur就冇英國護照,於是喬寶寶就要陪妻兒坐移民監。 

喬寶寶百足咁多爪,近年開完食店又開單車舖,離港前佢都忙於退股,原本打算今年尾再搞嘅棟篤笑 part 2,都惟有擱置。

tvb4life 發表在 痞客邦 留言(0) 人氣()