剛在美國時代雜誌舉辦嘅百大人物票選中排第9位嘅林書豪，做完半月板手術後公開病床照安慰fans。

最近因為膝蓋半月板受傷，要停賽兼做手術嘅「林瘋」林書豪，醫生預計佢最少要休息六個星期先可以落場，但「林瘋」唔理得咁多，希望四星期後可以歸隊，趕得上打季後賽，同隊友一齊落場。


冇波打，林瘋一樣唔得閒，除咗接受物理治療，據聞佢趁病假籌備拍攝自傳式紀錄片。電影會圍繞住林瘋由坐冷板，直到引發全美吹起Linsanity狂熱為故事重心，由於會以紀錄片形式拍攝，林瘋當然要親自落場做男主角。除咗踩過界做明星，據聞兩大台灣電腦生產商acer宏碁，以及ASUS華碩，出到天價1.2億台幣酬勞，即係3,200萬港元，鬥爭林瘋做代言人，聽聞呢個價錢仲有上升水位，鹿死誰手都好，大吉利是講句，林瘋真係打跛腳都唔使憂！


林瘋一向有鋪自拍癮，相信唔少瘋迷都睇過佢嘅傑作，家陣要拍自傳紀錄片，我懷疑佢有機會做埋導演囉！ ####



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄