一身粉紅春裝打扮嘅愛姐,完美形象受人讚嘆,坐喺佢身邊嘅女士真係亞歷山大(壓力增大)。 

媽咪姐

李英愛迷人 pink lady

北韓金三胖(金正恩)雖然好似癲咗咁,不停話要開戰。局勢如此緊張,但南韓市況平靜,尤其藝人活動如常,表演繼續表演,出國嘅照樣出國。日前,經典劇集《大長今》主角李英愛,仲應邀出席首爾 GUCCI旗艦店搞嘅「 Flora Archive展覽會」開幕禮。

 

一向低調、甚少出席公開活動嘅愛姐甫一出現,即引嚟現場一眾嘉賓哄動。當日愛姐一身 pink lady look春裝配米色高踭鞋,容光煥發,完全唔似四張幾兼生過一對雙胞胎嘅媽媽,靚到呢,媽咪姐都有啲唔抵得。



李英愛嘅《大長今》真係瘋魔整個亞洲,可惜佢堅拒拍《大長今 2》。欲再睹大長今風采,睇嚟遙遙無期。 

愛姐一對龍鳳胎眨吓眼就快兩歲囉。睇真啲,兩個都好似阿媽。

tvb4life 發表在 痞客邦 留言(0) 人氣()