哈哈哈,一天都光晒咯!(設計對白)我都係咁話!(設計對白) 

忽然去片

三太笑看山雲

媽咪姐問你:何超雲、陳山聰分手,邊個最開心?嗱,陳山聰失女友失事業失財仲失埋形象,有排愁啦。超雲感情有損失,但「愛一個,上一課」,都算有賺。最開心莫過於三太陳婉珍啦,乖女終於飛甩賤男。早兩日佢離開上環東華三院,雖然冇任何回應,但全程笑笑口。其間有記者問:「你係咪心廣體胖咗?」嘩,即係暗示我肥啫!不過三太冇介意噃。咁梗係啦,阿女醒覺,作為媽媽嘅,心情自然開朗。

 

 


笑 

又笑 

你哋就開心得過囉!(設計對白)

 

《忽周》睇真啲正片唔好 miss!

周啟生騷肌音樂人

周啟生將於下月舉行演唱會,慶祝入行 30年。正當大家以為佢淨係識得玩音樂之時,原來佢都食過下夜粥,接受訪問嗰陣仲大晒 quali,又打拳又做掌上壓,文武兼備,勁呀!


令你嫁得出嘅豬手!

人嘅手同腳,細路仔都識分,但邊隻係豬手?邊隻係豬腳?咁就未必個個都識。前菲律賓馬可斯總統御廚容哥除咗教大家分清楚,仲示範煮兩味,並聲言:「識煮包你嫁得出!」嘩,姊妹們快啲睇片學啦!


tvb4life 發表在 痞客邦 留言(0) 人氣()