那英拉隊去徐濠縈間鋪掃貨,其間撞見形象設計師Ricky,相請不如偶遇,買完衫一齊落街食支「事後煙」。

香港拉麵店愈開愈多,但講到日日排長龍唔憂冇生意,一定係容Joey口中前男友陳方藤開嘅「豚王」,不過近排有人响正佢鋪頭對面開日本拉麵店頂爛市,幕後大老闆正正係內地天后那英。


星期一(四月九日)那英間「舞心拉麵」正式開業,身為老闆娘,當然要蒲頭,王菲同李亞鵬冇飛嚟香港撐場,都送上大大個花籃,祝好友大展鴻圖。
第一日開張,生意都唔錯,一度出現排隊食客,但那老闆冇留低招呼客人,顧住同幾個朋友去銅鑼灣白沙道一帶shopping,仲搵咗好耐先搵到徐濠縈間時裝店。
買夠行夠,那英食番支煙先起步返鋪頭,不過坐咗陣就走。聽講那英遲吓會响北京開分店,有佢班老友王菲趙薇劉嘉玲做人肉生招牌,宣傳費已慳一筆!做得過吖!


王菲李亞鵬送上花籃賀老友,員工放正响門口當眼位,爭取明星效應。 ####


意猶未盡,那英繼續四圍行入貨,到晚飯時段先返鋪頭望兩眼,之後坐的士走人。


上個禮拜麵店進行圈內人試業,那英全程坐鎮,阿Sa亦有份獲邀試食。



stacylife 發表在 痞客邦 留言(0) 人氣()