去年 11月,樂基兒在活動時自爆有追求者,亦唔否定會火速接受新戀情,仲話:「都可能㗎,發生咗至算!」明顯為閃嫁 Cuz鋪路。

滾熱辣
峇里買樓養老外 樂基兒婚戒曝光
32歲的樂基兒( Gaile),去年底與大自己 13年的黎明離婚,旋即與新西蘭籍潛水教練 Cuz撻着。近日有指樂基兒答應 Cuz的求婚,男方更在 instagram晒婚戒兼報喜,但樂基兒為免刺激前夫,急急叫 Cuz刪走照片。雖然事後樂基兒矢口否認閃婚,但本刊在其好友的 instagram中,無意中發現以往甚少戴飾物的樂基兒,左手無名指上竟然戴住婚戒。
傳出樂基兒閃婚後,黎明連日來亦沒有外出,連老友導演劉偉強生日( 4日)都冇影。至於周三( 10日)晚的曾志偉壽宴,黎明曾一度打算甩底避鋒頭,不過最後一刻,他又離奇現身,真係「估佢唔到」。

有傳樂基兒為免刺激前夫黎明,對新戀情局住低調。不過左手無名指戴婚戒的她,於峇里同陳欣健女兒陳早茵(白衫)食飯的照片,卻被好友放上網。

樂基兒新歡 Cuz有本事冧掂樂基兒在峇里買沙灘及 resort,似有意落地生根。

明剃眼眉啫!(設計對白)
離婚後,黎明零緋聞,只是 1月在上海被影到往夜總會消遣,有指他借酒澆愁。
熱愛自由的樂基兒,自去年 10月宣布離婚後,恍如甩繩馬騮。向來崇尚大自然的樂基兒,更斥資十萬港元,在峇里買下沙灘及 resort,與 Cuz雙宿雙棲,過着甜蜜的平民化生活。
曾向外喊住話冇收黎明 2億的她,離婚後騷價反升至 50萬,比做天王嫂時勁升一倍,皆因廣告商貪她每次出現都有話題,所以她每年返港做幾個騷,拍兩、三個廣告,已足夠日常開支。
近月來身在峇里的樂基兒,每天都與愛郎享受着陽光與海灘。而早前她的香港朋友拉大隊到峇里探望她,樂基兒更一盡地主之誼,帶眾人周圍吃喝玩樂。不過,她亦十分小心,叮囑友人拍照時不要攝到男友入鏡。
「 Gaile依家好開心,佢同 Cuz的戀情好穩定。比起之前佢同 Leon(黎明)熱戀時,感覺 free好多。嗰陣 Gaile都會呻對方冇時間陪佢。 Leon個人拘謹啲,而 Cuz就好開朗,加上佢同 Gaile一樣好愛海,依家佢哋日日滑浪同潛水,生活寫意到不得了。今次去峇里,大家見到 Gaile左手無名指上隻戒指,都心照啦,佢平時唔戴飾物㗎。」知情者說。
峇里嘆世界
近年喜愛滑浪嘅樂基兒,離婚後同朋友長留峇里,不時在 Instagram大晒玩樂照,但就避開上載 Cuz照片。

私人沙灘
樂基兒日日在自己的私人沙灘享受陽光與海灘,更不介意晒靚股。

滑浪晒股

XO敷眼
滑浪撞到變熊貓眼,樂基兒喺雪櫃攞咗支 XO敷眼,原來 Cuz好鍾意嘆烈酒。
結婚儀式押後
前妻閃婚消息傳到黎明耳邊時,黎明都好震驚,更即時致電陳善之,叫他向樂基兒求證。雖然黎明與樂基兒離婚後各行各路,但黎明仍然十分關心樂基兒,兩人偶爾會以短訊問候對方。
「 Gaile當然否認,佢冇諗過男友送完戒指竟然會放相喺 instagram,佢亦唔想搞到 Leon,就算有朋友問喜訊,佢都斬釘截鐵話唔係。呢一年內,佢咩儀式都唔會搞住。」
樂基兒當日一意孤行要公開離婚消息,她亦知傷了黎明的心,兩人離婚時已簽定協議。有傳其中的條款,是黎明要求女方一年內不准公開戀情,所以樂基兒現在刻意將戀情低調,以免再惹是非。而早前曾答應會出席周三( 4月 10日)志偉壽宴的黎明,為避鋒頭,一度諗住甩底。

本周三( 10日)匆忙現身
黎明現身志偉大壽,不過他明顯消瘦加上冇化妝,狀態認真麻麻,似被前妻婚訊激親。

黎明和曾志偉因 95年拍《甜蜜蜜》而認識,不過為怕風頭火勢,黎明一度打算缺席好友大壽。
一度傳甩底
周三黃昏六時許,離志偉生日騷不足兩小時,記者向黎明的經理人陳善之及壽宴統籌余詠珊求證黎明到唔到?兩人都大耍太極,明顯唔睇好黎明會去。陳善之表示︰「冇收過 Gaile再婚嘅訊息。(呢日都唔見黎明出外,佢係咪受樂基兒閃婚新聞影響要離開散心?)點解佢要散心先!(傳佢甩底志偉個壽宴?)佢到唔到你今晚咪知囉!」說罷即表示自己揸緊車趕住收線。記者再問余詠珊,她表示︰「依家仲未知,原則上都會嚟嘅。」
晚上八時,黎明最終現身志偉壽宴。被問到前妻再婚,他說:「唔回應!(咁你感情有冇着落?)都係忙工作,其他嘢我唔回應。」然後匆匆進入會場。樂基兒閃婚對黎明的衝擊,似乎並非其新歌〈我可以忘記你〉咁瀟灑!

有網友於 instagram問樂基兒是否再婚,她沒有正面回應,只係話:「唔該唔好講八卦雜誌啲廢話。」(意譯)

本周二( 9日),本刊詢問樂基兒好友楊崢知否老友再婚,她說:「都有問佢有冇再婚,佢話冇。咁戴戒指幾時都可以戴嘅。」
自唱分手心情
在黎明新歌〈我可以忘記你〉有幾句歌詞:「沒有愛過你,我最愛是自己,借愛情滿足我好奇」,被指向前妻示威。事後黎明否認:「如果有含意,咁就乜都唱唔到。」但其實黎明一直鍾意憑歌寄意,唱分手心情早有前科。

7年放生李嘉欣
我不能如此佔據你的心
又不能讓你一生在為我擔心
我不能把你留在身邊囚禁你的心
想飛就飛吧
飛到你愛的人懷裏
錄自〈想飛就飛吧〉

04年舒淇離合都累
發現你不愛我 我仍然全沒戒心
分開假如難為誰 一起一樣是負累
相戀仿如懸崖懸着 離合都太累
節錄自〈情歸於盡〉

05年王菲淡入淡出
靜下來想想 其實誰會想要結束呢……
淡入淡出 彷彿只是場景一處
你曾在我漫長的心路進出
節錄自〈淡入淡出〉

網友評彈

對於樂基兒閃婚,網友普遍都支持,更有人指樂基兒係鬼妹仔,一早應該搵番個同聲同氣的西人做伴侶。

撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()