當年今周
一起防疫的日子
H7N9殺到嚟，點算好？注意個人衞生，加強抗炎措施囉。
講就容易囉！想當初 2003年 4月、沙士爆發得最勁嘅時候，唔少藝人都冇乜防疫意識。就等媽咪姐回顧當年，以反面教材教大家抗炎 do's& don't's！
古天樂口罩當玩具
沙士襲港，個個聞「咳」色變，人人戴口罩自保。出席《心連心全城抗炎大行動》記者會嘅古天樂當時有戴口罩，但佢又除又戴，隻手又不經意摸到口罩，容易滋生細菌，戴咗等如無戴。
鄭中基膠袋裝口罩
口罩大概 3個鐘頭換一次，如中途要除低，就要學鄭中基咁，用保鮮袋裝住，咁就用得安心又放心啦。
阿 Sa未洗手先食嘢
當年無綫舉辦《同舟共勉香港心》，嘉賓之一嘅阿 Sa竟然喺化妝室未洗手就進食。其後示範清潔，佢一再犯禁公然抹鼻。衞生署都有呼籲啦，觸摸眼、口、鼻前要洗手！
麥浚龍自備消毒紙巾
冇消毒洗手機，附近又冇洗手間，點算？可以學吓麥浚龍自備消毒紙巾（小圖）。當年佢仲非常 high tech，買咗個可攜式空氣淨化機（圈），據講會淨化空氣，連口罩都唔使戴。有錢仔果然特別多花樣。
阿叻口水咪周圍傳
係人都知病菌可以經口沫傳播，不過阿叻竟然罔顧衞生，將自己用完嘅咪遞俾阿姐，稍稍不慎真係好易中招。
丘凱敏醒目用咪套
全站熱搜
留言列表
