插圖: Wendy 

揞名爆

「百變阿姐」無時無刻扮恩愛

近年公仔箱鍾意請啲圈中夫婦情侶上節目,好似近排俾細妹嘅家庭糾紛搞到頭都大嘅「百變阿姐」,佢扮嘢工夫真係好叻,同圈外老公周不時喺鏡頭前又喊又笑晒恩愛。不過呢,有時啲嘢,大家當一場騷咁睇好嘞!

 

有個靚太 friend同媽咪姐講,有次去百貨公司就撞到「百變阿姐」孖住老公行街街。初時見佢哋各有各睇嘢,無乜交流,後來「百變阿姐」同老公講咗兩句,就各自去唔同樓層 shopping。咁我個靚太 friend望咗兩眼都無再理,繼續睇衫。點知半個鐘之後,又俾佢喺百貨公司內撞番「百變阿姐」,只見佢四處張望,疑似搵緊老公,跟住就狂打電話,但無人聽。好嘞,十分鐘後,靚太老公終於出現,以悠閒嘅步伐,行番去「百變阿姐」身邊。呢位喺圈中出名搞笑嘅阿姐,呢刻當然唧都唔識笑,眼神凌厲,正想開口鬧人!但佢一眼見到媽咪姐個靚太 friend喺度「睇緊戲」,即刻變臉,唧出一個硬軚笑容,再繑住老公搭𨋢走人。
嘩,成個過程唔使 3秒,靚太 friend話真係神乎其技!啱嘅,話晒係公眾人物,係都上咗車至上演好戲啦!

tvb4life 發表在 痞客邦 留言(0) 人氣()