林夏薇 開心 認 變 V煞面
■林夏薇前晚下巴變尖，加上高鼻，跟她之前拍《初五啟市錄》（小圖）時有點不同。
林夏薇、馬國明和李詩韻前晚在將軍澳電視城錄影無綫節目《千奇百趣》，現場見林夏薇下巴尖了，而鼻亦直了，樣子明顯更省鏡，林夏薇聞言說：「真㗎，我轉咗化妝師，鼻同下巴一向係咁，我仲嫌塊面尖想肥啲。」會否打botox？林夏薇指目前未有需要，會否擔心被指和堂兄林峯一樣找醫生變臉？林夏薇說：「俾人話靚點都係開心事。」
另外，不少小生花旦不續約無綫北上搵人仔，何時到馬國明？他指公司未安排，是否無綫怕他走所以不安排？馬國明稱：「唔知，呢幾年一劇接一劇，呢三年內有六至七部劇搵過我，之前就唔到期。」
採訪：楊潔雯
攝影：黃偉雄
林夏薇 打功夫變V煞面
藝人陳庭欣和林夏薇分別出席活動時被發覺忽然變了樣，鼻樑不約而同隆起，林夏薇更變了「V煞面」，兩女即時惹來整容疑雲，陳庭欣矢口否認有整容，林夏薇則稱因換了化妝師和近日頻頻打功夫大量出汗才瘦了很多。
變臉後
剛從日本回來的陳庭欣鼻樑和參選港姐時明顯有變化，難怪惹來整容疑蜃。
藝人陳庭欣（Toby）、李思雅、楊明等昨日出席《洲際國家盃2013》記招，剛去完日本旅行回來的Toby失了聲，她笑言因首次去日本，故太搏命血拼所致：「我行到腳趾尾都起水泡，可能搭飛機回程後面有人係咁咳，感染咗我。（有冇艷遇？）冇喎，我淨係見到啲衫同Mask，乜都見唔到。」
病咗變水腫
不過Toby的樣子跟以前明顯不同，鼻樑更高直，又剛從日本回來，即時惹來整容疑雲。事後接受記者電話訪問時，Toby否認整容：「我不嬲都唔啱呢啲嘢，連做Facial都懶，可能因為我病咗，猛呻鼻涕，又飲咗好多水，所以個樣水腫咗，我依家都飲緊鹹竹蜂開聲。（唔排除日後會整？）一定唔會，我發夢都冇諗過同整容拉上關係，不過我接受其他人整容，呢啲係人哋嘅自由。」
變臉前
林夏薇變了「Ｖ煞面」和「間尺鼻」，和之前的樣子大有不同。
想整得圓潤
而林夏薇前晚出席森美、小儀的節目《千奇百趣玩Free D》錄影時亦突然變「V煞面」和「間尺鼻」，她驚訝反問：「真係o架？我同經理人啱啱都講緊，因為我換咗化妝師，化妝亦換咗個色調。（但係面尖鼻高？）下巴不嬲都咁尖，可能我近排成日打功夫，流好多汗，唔瘦都唔得啦，整我都想整得圓潤啲，不過依家個樣好滿意，唔使整。」提到堂兄林峯同被指整過容，林夏薇就表示不擔心會被指二人找同一整容醫生：「人哋話我靚咗咪當係獎囉。」
變臉後
森美與小儀繼續孖住趣怪，為節目錄影。
文：影視組
留言列表
