close
| 發嫂箍實發哥 |
影壇巨星周潤發（發哥）與鍾楚紅（紅姑）八七年合作《秋天的童話》飾演「船頭尺」與「十三妹」的浪漫故事，至今仍令人津津樂道。
事實紅姑自從嫁人後與發哥已有十幾年未在公開場合相遇，上周二人終在上海的時裝騷重逢，不過原本好浪漫嘅重逢場面，卻因發嫂陳薈蓮監場，即刻「無晒癮」。
雖然當晚紅姑與發哥夫婦前後腳到場，幸好二人最終在場內相遇，但可惜發哥全程被發嫂蹺到實一實，未能與紅姑來個世紀擁抱，二人只能禮貌地握手，完全唔符合劇情，其後發哥想貼近紅姑問好之際，發嫂繼續唔鬆手，搞到發哥走近紅姑一啲都唔得，紅姑見狀十分醒目，為免發哥難做，自行離開發嫂視線，以一笑為尷尬場面解圍。
「船頭尺」攬實「十三妹」影相，令十三妹非常high，發嫂即時捉緊老公，宣示主權。
紅姑十分醒目以燦爛笑容緩和尷尬氣氛，發嫂就全程視紅姑透明。
右手拖住「十三妹」，左手被老婆挾實，真係左右做人難。
沒有久別重逢的擁抱，只可禮貌的握手，粉絲絕對唔收貨。
全站熱搜
留言列表
