close
有線娛樂台摺埋 余詩敏返娘家獨撐
有線娛樂新聞台同娛樂台上週五(5月31日)宣佈重組，兩台合併成高清奇妙台。新台週一至週五晚會新增半小時自製綜藝節目，仍會保留娛樂新聞報道節目。03年開始有線娛樂新聞台開台以，造就出唔少新聞主播，除有部份仍然繼續留守崗位外；嫁得嫁，過檔過檔。雖然話合併後轉變唔大，但成班有線娛樂新聞台出身主播，為呢個歷史時刻，係最後一日搞個燒烤聚會。
出現有現職主播如衛志豪、劉明軒、史澤雅、莫家淦和王曉君等。至於以前當有線係大家庭，過檔無黃翠如、梁嘉琪同陸浩明就連影都冇，似避免瓜田李下。
結果最後只有嫁俾鄭中基余思敏出現。上週五晚上8點，娛樂新聞台台前幕後陸陸續續行過去附近大排檔BBQ，天氣雖然悶熱，但成班人飲住啤酒汽水，邊食邊吹，氣氛十分愉快。至11時，余思敏匆匆趕到，估計佢完囡囡覺先可以出到。起初佢同班主播係冷氣房吹水，吹到咁上下成班人走晒出戶外影相、傾偈。雖然余思敏做少奶奶，但同成班依然玩得好開心。好快過一個鐘，未玩夠余思敏同班舊同事返去有線大樓，繼續傾計同影相，睇佢係有呢度真係有唔少回憶！
放大圖片
全站熱搜
留言列表
