close
沿住尖東海旁係咁行，謝安琪張繼聰個樣攰晒，仔仔張瞻依然動力十足。
同你吟一吟
謝安琪 張繼聰 雙菲鴨仔團
有傳張繼聰响無綫拍劇，騷價得六百蚊，拍一套劇得萬零蚊落袋，要靠老婆謝安琪簽完星煥唱片，再賣身俾台灣金牌大風，攞番幾百萬頂住頭家。
要慳住使，同仔仔張瞻慶祝六月一日國際兒童節，又平又開心嘅方法，首選當然係去尖咀人逼人睇鴨。
當日兩公婆打扮四正，張太仲化晒妝，如果唔係帶住個仔同兩個外傭，《壹》仔仲以為佢哋準備去開工。一行五人首先漫遊尖東海旁，維港美景無價，又有足夠地方俾阿仔周圍跑，好過去公園玩氹氹轉。
行行吓，終於嚟到針插唔入嘅海港城，張繼聰專登抱起阿仔，等佢可以望真啲隻吹氣鴨，之後再去望埋賣鴨仔紀念品攤檔，齋望唔買又慳一筆。
食咗成個鐘海風，決定入商場歎陣免費冷氣，順手叫外傭帶少爺仔入廁所換過件衫，怕佢周身汗易攝親。
全日免費娛樂，行到七點九晚飯時間，以為佢哋會响尖咀填飽個肚先返屋企，點知張繼聰帶頭行去停車場攞車走。全日最高消費，係泊車。
去文化中心玩「捉依因」，跑到雙腳離地嘅張瞻，手臂黐貼紙扮老豆有紋身。 
終於嚟到海港城，張繼聰抱起仔仔睇鴨，之後再去睇紀念品，不過齋睇冇買。
入商場過冷河，張生張太叫外傭入廁所幫個仔換衫，之後就去攞番張繼聰架二十萬二手 Land Rover走人。 
撰文：八珍
全站熱搜
留言列表
