close
同你吟一吟
徐子珊跣低 益晒細細粒
上星期二（五月二十八日），無綫新劇《 My盛 Lady》喺將軍澳電視城舉行開鏡拜神儀式，徐子珊因為開夜班喺廠跣低，漏夜坐白車入院，雖然未至於傷到要害，但扭親手腳要缺席。
女主角受傷固然係話題，但徐子珊聽醫生指示唔好郁咁多，未能負傷上陣，當日風頭位結果俾做閒角又冇話題嘅細細粒（陳嘉佳）食晒！再加埋男主角黃子華配合，兩個又箍又攬又從後胸壓，一肥一瘦零距離，搞到心口腰腳三管齊露嘅 D胸高海寧都要借歪，完全唔夠 230磅細細粒揪。
欣宜講得啱，瘦唔一定靚！ 178磅欣宜都認為自己唔需要減肥，更何況細細粒！
一肥一瘦互抱互攬，唔怕熱黐埋一嚿，全靠徐子珊有傷缺陣，細細粒先有得攝位。 
細細粒攬子華攬得咁過癮，陳敏之同王君馨都唔蝕底抽吓水，但講到最唔怕蝕底嘅，始終係從後箍腰嘅 Toby。
三十二度大熱天，露天做活動，許紹雄同高 Ling都要出動紙巾印汗。 
要保住 230磅噸位，細細粒食住 apple再飛撲埋去攞拜神燒肉，係好合理嘅。 
刻意少布戲服上陣嘅高海寧，有手有腳有心口罅又有大截腰肉，偏偏冇男主角黃子華熊抱恩賜，輸咗！ 
撰文︰八珍
全站熱搜
留言列表
