close
森美棟篤笑宣傳MV 宣洩戀足慾望
商台DJ森美，唔止大氣電波紅到發紫，佢重踩過界，做主持、出書、拍電影，早排同陳敏之齣《法網狙擊》，做埋第二男主角，工作排到密麻麻，森美咁搏命都係為一家大細，全靠森美賺錢養家。不過就因為咁而令到佢飽受壓力，後尾佢仲俾人發現鍾意影女人腳，懷疑佢有「戀足癖」，森美先至自爆原來佢有家族性遺傳情緒病，又有專注力失調症，其實森美一直有苦自己知。
好彩森美天生樂觀，又識得自嘲，最近佢為7月舉辦棟篤笑《森美要滾》，就拍段宣傳片，佢就用戀足傳聞做話題，片中森美不但色迷迷，猛用手機扮偷拍女人腳，其後對一雙女人小腿又攬又摸，過足手癮之外，最命係佢竟然同美腿傾偈，非常投入。之前好姨仲對佢戀足傳聞半信半疑，但家陣見森美一臉享受樣，好姨都唔識判斷真假。另外，森美除對美腿情有獨鍾，佢亦都鍾意微博上載自己相，不但甫士chok過林，而且不斷自讚型仔、靚仔，非常自戀。
對於森美種種古怪行徑，臨床身心行為學家李寶能就有一番解釋，「有戀足傾向人，成因往往係過於自我中心，亦會容易產生自戀。」森美將戀足行為拍成棟篤笑的短片，除係宣傳噱頭，亦讓森美可以肆無忌憚，和大家分享佢戀足癖好。李寶能表示：「我唔贊成出講，避免誤導同好合理化戀足行為，但能夠有交流，總比收埋得健康。」
好姨就問過森美，點解用自己戀足傳聞拍片？森美聽後笑到停唔到，話只係宣傳，因為棟篤笑主題係去滾，但佢自己又冇乜緋聞，而大家最印象深刻就係影腳，咪用拍宣傳短片，森美重同好姨講，本來諗住搵十幾個長腿索女跳住舞出場，後尾諗諗費事又俾人話啦。好姨話俾森美知，佢拍戀足短片係心理投射，森美就話：「唔奇，潛意識，不過導演叫拍，應該反映佢心理」，森美咁多橋，但講到戀足就入晒MV導演數，真相係點，只有森美自己先知。
放大圖片
全站熱搜
留言列表
