close
古天樂爭住要同吳彥祖個女一齊瞓，劉青雲又話送埋張床，吳彥祖仲一心旨意兩個 uncle幫手睇住個女，絕對所託非人！
同你吟一吟
古天樂𥄫中吳彥祖個 B
星期一（六月三日），吳彥祖响微博公布囡囡 Raven Wu平安出世，咁啱呢日又係電影《竊聽風雲 3》開鏡活動，吳彥祖再親口同傳媒分享初為人父心情。
吳彥祖响微博公布做爸爸喜訊，囡囡 Raven重八磅，至於中文名，要等爺爺九月嚟香港探個孫先改。
原來 Raven係五月三十日出世，太太 Lisa S.選擇開刀生，吳彥祖有陪入產房，但佢話歷時二十分鐘嘅生仔過程，只能夠用暴力嚟形容，仲話當時自己好驚，但又要响老婆面前扮鎮定。
由於醫生發現 Raven有黃疸，醫院要安排佢照燈，古天樂一聽到即刻搭嘴：「喂！我屋企有喎，你湊佢嚟照咪得囉！」旁邊嘅劉青雲仲抵死：「我打算送床仔俾 Raven，等佢同 Uncle Louis（古天樂）一齊瞓照燈！」
全站熱搜
留言列表
