close

社交圈

熱露

近日天文台經常發出酷熱天氣警告，普通人出街都逼住要露，一班名人更明顯露得多，初夏剛至已露到去股罅邊，就算身有肥膏又或小腿有花痕，都拎出來娛樂大家。

樂基兒　走樣

盛傳跟外籍滑水教練 Cuz結咗婚的樂基兒，上週四出席 Lancome活動，問她是否閃婚？「私事唔答，同 Leon分手後，我同任何人拍拖都唔關任何人事。」但當日她穿的露腰裙，腰間竟然走出一截肥肉，玩滑水玩到身形走樣，仲曬到膚色似賓妹，走出嚟收錢做宣傳，仲話唔關人事？

莊思敏　百密一疏

忙於拍戲的莊思敏亦有出席同一活動，當日她穿了一條自家時裝店的紅色裙，由於背後露肉，她刻意戴 nu bra防走邊。但影相時她掛住扭身擺甫士，令裙背的價錢牌都走埋出來，要助手幫她攝番入去，事後她說：「嗰日拍完戲好趕冇試到件衫，真係失策。」

馬詩慧　背後春光

已經是三個仔女媽咪的馬詩慧仍 keep得住 model身材，她穿了件橙色連身露背短裙出席 Lancome派對，稍作轉身即露出半個背脊，仲要係冇乜贅肉，皮膚緊緻嗰隻。提起大女曼喜吸煙一事，她無奈說：「在屋企醜人多數由我做，對住仔女唔可以吓吓唔俾，我覺得吸煙等同吸毒，不過阿女都應承會戒。」

周秀娜　晒瘀腳

周秀娜上週五以一襲鮮黃色 DKNY長裙出席九龍表行在 i SQUARE的開幕禮，當日佢好落力掀開長裙晒腿，但成腳都係瘀痕，令人有點慘不忍睹囉。問她早前被拍到和監製同事逛超市可有發展？「係同事嚟，佢有老婆，次次尤其同男同事出街，唔知點解就會話佢哋，我諗我遲啲要物色好大隻嘅女助手！」


撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄