close


表明好dry嘅周麗淇，週日（26日）出席《女警愛作戰》煞科宴時，不時捉住呂慧儀老公Dickson叫佢介紹筍盤；而好姊妹呂慧儀就從旁打氣，恨拍拖恨到出面。

已經32歲嘅中女周麗淇（Niki）早前慘被有米紗廠太子Eric卓飛甩，感情冇着落惟有寄情事業，最近用晒所有精神同心機拍TVB新劇《女警愛作戰》，不過套劇上星期已經煞科，連唯一寄託都冇埋，唔只FBI，佢同劇好姊妹呂慧儀都為佢感情事而憂心。


週日（26日），《女警愛作戰》劇組喺長沙灣搞煞科宴，FBI現場一見到情傷Niki，即上前安慰，但估唔到Niki好睇得開話：「拍劇時長腳蟹（呂慧儀）都有介紹佢老公Dickson啲friend畀我識，其實我唔抗拒㗎，可惜Dickson啲朋友唔係有老婆就係有女朋友，點揀啫？」之後好姊妹呂慧儀拍心口話：「Niki咁耐冇拍拖，我會着緊啲叫Dickson介紹啲筍盤畀佢。」對姊妹嘅感情事就好緊張，但被問到會唔會生龍B時，長腳蟹就話：「係同老公有計劃生B，但其實唔急㗎！」

七公主
周麗淇因拍《女》劇而同劇中嘅呂慧儀、朱慧敏及黃智雯等6個女演員friend到死，仲自稱「七公主」，不過當日朱璇缺席，所以搵咗程可為（左一）補住位先。

全劇讓位
套劇女主角係周麗淇，大合照時唔只企中間位，仲負責開香檳，可惜雞手鴨腳，嚇驚前排班男演員要呂慧儀班姊妹幫拖先開到。 ####


劇中Niki（左）飾演女警。佢就話最近因為太投入女警角色，搞到自己好粗魯，嚇怕班男仔冇人追。


左起:程可為，黄智雯，周麗淇，呂慧儀，朱慧敏，趙嘉迪，王君馨



arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄