close
劇中飾演硬朗港女 嘅張可頤,知道未來老公逃婚,嬲到走出街,飾演佢家姐 嘅劉美君,跟實細妹叫佢冷靜。
同你吟一吟
張可頤唔想咁快拜拜
雖然梁特首以「複雜到不得了」 嚟形容政府唔知係咪應該再發免費電視牌照,但王維基揸旗 嘅香港電視,就繼續馬照跑,劇照拍。
張可頤擔正做女主角 嘅新劇《客家女人》,早排 响九龍塘一間婚紗店拍婚禮場面,劇情講新郎逃婚失蹤,搞到佢嫁唔出。講起幫王維基打工,張可頤一再賣口乖,話新公司福利好,休息時間又足,平均每日只係開工八個鐘,最長都唔過十二個鐘,諗番 响無 綫拍劇,日夜顛倒冇覺好 瞓,佢忍唔住話:「我年紀大,如果再留 喺 TVB,真係會死 㗎!」
張可頤話拍完《客家女人》會休息一排先,幾時開工拍咩劇返大陸抑或留 响香港,通通可以自己話事。發球權 响自己手,幾時都着數 啲!
飾演兩公婆 嘅劉美君曾偉權,休息期間排排坐食瓜子。
香港電視用 嚟拍劇 嘅超高清攝錄機,據講要成千萬一部,歐美國家都採用,香港就得王維基肯俾錢買!
全站熱搜
留言列表