咁靚仔又有頭髮,正呀!(設計對白)
見到官仔骨骨嘅馬國明,呢位肥哥仔變身港女, sweet到合埋手,好迷!

同你吟一吟

馬國明男女通殺

2013年02月28日 ~~ 第1199期 香港《壹周刊》

自從陳豪名草有主, TVB小生筍盤近乎沽清,得番馬國明,成為罕有盤源。
唔係亂噏!上個禮拜四(二月二十一日),《壹》仔路經大坑見到無 綫拍緊《 On Call 36小時 2》,親身體驗到馬國明 嘅筍味,有幾濃烈。

當日馬國明以西裝 look埋位,兩名路過師奶生螆貓入眼語無倫次:「哎呀!陳豪呀!唔係,係靚仔過陳豪呀!」師奶瘋狂唔及 OL打扮 嘅後生女,見到馬國明直頭當街尖叫。男士一樣嗒糖,其中一名肥哥仔,更以港女招牌卡娃兒合十手勢孖住合照, 嗰份柔情,八珍見到張相都唔知點形容。
面對咁多狂風浪蝶花言巧語,馬國明似乎十分習慣,唔似陳豪會面紅變關公。
星期日(二十四日),馬國明喺屯門宣傳新劇《戀愛季節》,提到自己升呢做筍盤,有岑麗香唐詩詠爭住做女朋友,馬國明推三推四,話班「女朋友」係傳媒送俾佢 嘅厚禮。
唔認到處留情,但馬國明講《戀愛》劇情時,居然將胡杏兒講錯 咗前度女友胡定欣,係一時口快?定係扮痴心?唔……陳豪何以係筍盤冧把溫,有佢道理嘅!


可以同馬國明合照,仲送埋簽名,呢位師奶個笑容,開心過自摸十三么。


馬國明俾人輪住影相,林子善 响隔籬行來行去,都冇人理過佢。

林子善冇人理,估唔到連索腿天后都一樣。當日陳敏之去大坑開餐,馬國明休息期間入去搵佢吹水,食客都只係同馬明合照,有索腿都冇用。








馬國明做《戀愛季節》宣傳,誤將對手胡杏兒講 咗做胡定欣(右一),「假情人」聽到碌大對眼,反而「真舊愛」扮咩都聽唔到! 

撰文:八珍

arrow
arrow
    全站熱搜

    tvb4life 發表在 痞客邦 留言(0) 人氣()