社交圈

全民熱跑

2013年02月28日 ~~ 第1199期 香港《壹周刊》

本週日舉行的渣打馬拉松，破紀錄有六萬五千人參賽，全城熱跑，政、商界及藝人，都湊熱鬧跑埋一份，有人為突破自己紀錄，亦有人當做宣傳，各取所需。

王維基歎按摩


香港電視主席王維基率領旗下藝人參加十公里賽事，他就安坐大本營歎腳底按摩，跑步呢啲粗重工夫，就由藝人擔任，王維基說：「往年我有跑，今年我報咗半馬，因為起點在尖沙咀，索性唔跑來同大家打氣。」出錢無出力的王維基，仲喺大本營準備咗到會慰勞一班藝人添。

Rosemary凸點而出




名模 Rosemary向來都有跑步做瑜伽，今次聯同男友一齊參加半馬賽事，返到終點俾傳媒影相，才知自己胸前凸點，搶了不少藝人鏡；她笑言今年差啲冇得跑，「今年第一年參加，報名時好爆，我都係一星期前先知有得跑。」 

李思林撐妹夫




李玟的家姐李思林與德籍新婚老公 Stephan Windfelder齊齊跑馬拉松，兩人衝線後即互相擁抱；李思林跑到氣喘伸脷，原來平時無跑步習慣的她是首次參賽，「今次支持妹夫 Bruce，好難得在東廊跑步，我練咗三日，衝線時氣氛好好。」 

俞琤自定 冧巴




商台副主席俞琤年年都有參加領袖盃，咁 啱她的號碼布是 881（商業一台頻道），旁邊有人笑指車牌有自定，原來冧巴都可以自定，她即指住身旁渣打銀行（香港）行政總裁洪丕正，煞有介事的說：「係佢安排俾我。」 

吳光正父子兵


九倉主席吳光正同兒子吳宗權一齊參加領袖盃，前屆攞過冠軍的吳宗權，邊吃香蕉邊 warm up，最終以兩分廿一秒只奪第三，對自己表現，他說：「 OK啦！同 daddy一齊跑感覺幾好。」至於與阿仔只差一分鐘的吳光正，跑完話：「好 攰啊！」





撰文、攝影：名人組



社交圈

各有個性

2013年02月28日 ~~ 第1199期 香港《壹周刊》

人人都有唔同個性，有 啲性格統一，人前人後都係同一個樣；有 啲就視乎場合，見人講人話，見鬼講鬼話，搵食 啫。

何超瓊篤波波


篤完前面啲波，何超瓊同王守業夫人爭篤剩低的波波。

何超瓊上週五以副會長身份出席女童軍新春團拜，大會以氣球代爆竹，何超瓊篤完眼前氣球還未夠喉，仲篤埋旁邊 嗰 啲，勁有童心。問賭王身體如何？「好好，有少少感冒。」那情人節有無收花？「情人節無慶祝，呢 啲係 嘥錢行為，係就送大 啲。」最後 Pansy更叫秘書大派五十元利是，真估佢唔到。 

陳婉珍禮讓




身為東華三院副主席 嘅賭王三太陳婉珍，上週二出席董事局新春團拜，一向客氣 嘅佢除了與同為總理 嘅二房三女超蕸（左）有講有笑，影相時仲鬼咁客氣推主席陳文綺慧（右）去中間位，猛話：「你企啦，你企啦！」都 啱 嘅，下屆就到三太做主席，到時中間位企足成年，都唔爭在一時。 

吳婉芳眼厲厲


上週六胡寶星爵士新抱吳婉芳，同老公胡家驊出席傷健策騎協會慈善晚宴，佢罕有地帶埋仔女（右圖）出席，影相時吳婉芳話仔女唔上鏡，不過佢哋太唔醒目，企正 喺隔籬等父母，俾人影晒相，吳婉芳即皺眉兼怒睥仔女話：「行啦！」變面之快，真係令人好唔慣。





邱華瑋冇得避




邱德根孫仔邱華瑋（左）自從和趙式明拍拖後，見鏡頭即閃，上週四他去中聯辦新春酒會時因要拖住爺爺，惟有慢慢行任影，問邱華瑋幾時結婚？其父邱達昌（右）說：「佢年紀細，唔會咁快。」邱華瑋亦無耐話：「唔好玩啦！」 

撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄