close
同你吟一吟
張兆輝冇甩轆
雙生雙旦孭飛嘅無綫新劇《神槍狙擊 2013》，早排喺旺角、尖沙咀一帶開夜班，是夜有份埋位拍追逐戲嘅有張兆輝、謝天華同徐子珊。
其中一場戲要徐子珊拋支槍俾張兆輝，對方接槍再一個翻身起擺 pose。分鏡拍，先正面拍徐子珊拋槍；之後輪到張兆輝，動作指導噏完，演員試位，接槍、碌地、翻身起，一次唔靚再碌過。拍慣警匪片嘅張兆輝，啱啱五張，但身手仍然冇甩轆見得人，正式埋位 NG亦唔多。
工作人員拋槍（箭嘴），張兆輝接住一碌再擺 pose。
喺後巷落地碌來碌去，張兆輝手底貼住布紋膠紙，以防受傷。
分鏡拍徐子珊拋槍俾張兆輝，甩手個位又拋得唔靚，徐子珊自己都忍唔住笑。
二五話因為幕後人手不足，近年無綫開劇，演員揸住大綱接通告，現場飛紙仔經常有，遇上動作多嘅好似呢部《神槍狙擊》，臨場變數多，有時為咗追番啲甩咗嘅時間，劇組幕前幕後日日得四粒鐘瞓，個個捱到金睛火眼，唔冧廠，要還神！
黑麻麻都要靚，埋位前，工作人員幫謝天華補妝。
Fans嚟探班送小禮物，徐子珊當然要合照回禮。
全站熱搜
留言列表
