close

P>
金剛去完廁所，仲扮?走開，要蔡慧欣叫停佢：「你件褸呀！唔記得呀？」金剛先轉身攞，又?到蔡慧欣笑晒。金剛件褸都唔嘢小㗎，係GORE-TEX®×mastermindJAPAN down vest，盛惠$36,000！

上年落選港姐蔡慧欣（Gemma），雖然未能當選，但一直係高登女神，前週日（19日）《五覺大戰》第一集，擔任神獸天使嘅蔡慧欣一幕着護士制服玩飄移，盡顯其34D迫爆身材同甜美笑容，秒殺一眾網友。
唔只網友嗒糖、連出名溝女無數嘅金剛亦中，之前已經放晒風話一眾神獸天使正，但原來已暗中向蔡慧欣埋手。上週六（25日）錄影《五覺大戰》前金剛仲出動「屎坑」招，去廁所大便叫女神攞褸，難得女神又好聽話。雖然要受金剛大男人氣，但蔡慧欣甘願企喺男廁門口呆等15分鐘，嘩！馴過台灣辣妹呀！


20歲蔡慧欣樣甜身材正，除網友勁冧，選港姐期間已同羅仲謙傳出緋聞，雖然最後落選，不過一心入行的她，自上年10月開始入讀無綫藝訓班，最近亦被監製錢國偉揀中，於新遊戲節目《五覺大戰》擔任「神獸天使」，首集着護士衫玩飄移，不斷走光騷事業線，成功上位。

日日WhatsApp
一向係男人蜜糖嘅佢，亦令《五覺大戰》主持之一嘅金剛有興趣，不斷向蔡慧欣展開攻勢，除咗被拍得做柴可夫送蔡慧欣返家，上週錄影《五》時，亦搵埋兩位主持錢嘉樂和洪天明幫手，不斷以金剛嫂稱呼蔡慧欣。據知金剛每日透過WhatsApp傳短訊給女方，單身嘅蔡慧欣亦受落。

「佢叫我揸住！」
上週六（25日）金剛更測試女神有幾受落，以去廁所為名，借意叫蔡慧欣幫手攞住件褸，難得女方又肯，仲揸住件褸喺男廁等足15分鐘。互有好感，二人一齊接受訪問亦唔抗拒。金剛說：「我去廁所，佢好心幫我攞住啫，佢好可愛。不過大家係同事啫，我連佢電話都冇。（我〔記者〕有喎，使唔使畀你？）哈哈……唔使喇，慢慢嚟啦！唔好嚇親人！」而蔡慧欣亦對金剛甚維護，她說：「佢話佢要大便，叫我揸住嘛，但佢好搞笑……做住朋友先囉。（佢好多緋聞，成日溝女喎！）報道啲嘢唔可信！」咁快就信晒人，金剛有計！

露罅冇錢收
落選港姐蔡慧欣，除咗有樣有身材，仲喺英國曼徹斯特大學讀法律系Year 2，家境亦不俗，家休學喺無綫讀訓練班，雖然有《五覺大戰》拍，亦憑飄移彈起，不過因為當實習關係，無綫一蚊都唔使畀。她說：「我鍾意啲多姿多采嘅生活，屋企暫時冇經濟壓力。我想試幾年，希望有多啲演出機會。」 #### <


仲有半個鐘頭就入廠，蔡慧欣連鞋都未着好，都幫金剛攞住件褸，其間仲四萬咁口，擺明冧金剛啦！


佢好可愛！真實對白


金剛、蔡慧欣未撻着，不過二人互嗒糖，一齊企企定定回應緋聞。


見家長上週六（25日）金剛阿媽，阿妹都在場，金剛仲特登捉蔡慧欣見伯母，搞到蔡慧欣鬼咁開心。


蔡慧欣選港姐其間，曾經同羅仲謙傳出緋聞，上週五（24日）錄影《五覺大戰》時兩個刻意迴避。


金剛特別鍾情身材好嘅女仔，蔡慧欣有34D導彈身材，絕對啱晒佢。早前佢同舊愛Ashlee（圖）分手，之後喺fb鬧出罵戰，金剛仲鬧舊愛朋友生陰蚤。


《五覺大戰》第一集蔡慧欣着住件護士衫，坐住錢嘉樂車玩飄移，其34D身材表露無遺，亦成網友追捧嘅女神。


蔡慧欣係應屆港姐，擁有34、24、35三圍，當時亦係熱門之一，可惜最後落選，但家憑《五覺大戰》彈起，話唔定第日發展拍得住冠軍朱晨麗。


港姐出trip拍外景期間，傳出同表演嘉賓羅仲謙撻着。


人緣好蔡慧欣（中）唔只異性緣不俗，女性朋友亦多。上年10月蔡慧欣開始讀藝訓班，本刊訪問期間，佢一眾女同學即以傘陣為佢護駕。

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄