張耀倫說喜歡大屋是因為他喜歡熱鬧；單位裝修了四個多月，裝修費過百萬，單是客廳的雲石火爐已達六位數字。
名人家居
愛夠大
分區
這個位於九龍塘的特色屋分為三層，地下及一樓兩層是客飯廳及睡房，最上面一層是空中花園，合共七千多呎，屋主使得起錢，住大屋，有何不可？而且他是老闆級人馬，當然有他的實際需要，「我鍾意人多 嘅感覺，我 哋逢週末前、禮拜六都會有一大班朋友 嚟食飯，有陣時請成廿幾、三十人 喺屋企開 party，有 啲打麻雀、有 啲傾偈、有 啲飲吓酒、有 啲 喺卡拉 OK房唱吓 K，或者 喺大廳玩吓啤牌。」大人於樓下進行大人的活動，張耀倫亦細心地為小朋友們安排了玩樂的區域，「一樓除 咗係睡房，我亦都劃分 咗個偏廳出 嚟，俾細路仔 喺度睇電視同玩遊戲機，大人 喺樓下、細路仔就 喺樓上玩，各有各空間。」
卡其色特大布梳化是訂造，「我覺得皮冇咁諧和，布俾人感覺好休閒，坐落去好舒服，皮就好似硬繃繃。」旁邊三個大中細木雕土人是風水擺設。
屋主有時會招呼朋友打麻雀，特意買了自動洗牌的麻雀 枱。
原來的樓梯是一條過，張耀倫改為轉彎的兩條樓梯，營造層次感。
小酒吧上方原是密封，屋主打通中間部分，「因為成間屋個中庭要光猛。」
暖色
除了朋友，張耀倫還不時邀請生意上的伙伴到家中作客，因此他特意不放置電視機於客廳，另外，還在客廳旁設置一個小酒吧，「其實除 咗客廳，其餘間間房都有電視，有時邀請生意 partner嚟飲吓 嘢，傾生意，摸吓酒杯，所以我想有一個比較靜 嘅區域，唔會受到電視聲音影響，有番個私人空間。」
由於經常招呼朋友及生意伙伴，屋內設計一定要舒適，這正是張耀倫對住屋的要求，因此屋內以暖色為主，如木地板、木樓梯、卡其色布梳化、白色餐 枱餐椅等，「我成間屋都係好清，唔鍾意 啲好花巧 嘅 嘢，我覺得入到 嚟係要舒服。」
魚盆亦是風水陣，木架則是清朝年代的產物，購自九龍城。
蟾蜍用來招財，木樹頭是印尼樟木。
水晶用作增加家庭和諧及增加人緣。
他喜愛唱卡拉 OK，因此在屋內設影音房，「 喺出面唱會有 啲拘束，但係屋企就比較 relax， 啲玻璃全部隔音，深夜都唔會騷擾到隔籬左右。」
風水陣
做生意，大多都篤信風水，張耀倫亦不例外，家中擺了不少風水擺設，但擺放得一點也不突兀，反而與屋內的設計非常配合，如客廳旁放了三個土人木雕塑，「呢個係名聲位， 喺 嗰個位下面有三個人仔，由矮至高大中細，代表步步高升。」又如大門口旁養了一盆魚，「要有 啲流水咁先聚財。」客廳中的火爐亦是風水陣之一，「代表圍住個爐，聚財、溫暖、溫馨，其實個爐係裝飾，冇作用。」除了金融業務，張耀倫將會開拓娛樂事業，實行多方位發展，風水陣，果然有 啲料到。
約七萬元的圓形餐 枱由澳洲進口，屋主喜歡圓形餐 枱，貪其感覺溫馨，「團圓 吖嘛，長 枱就比較 formal，中國人鍾意圓 枱，食飯都高興 啲。」
偏廳是供小朋友玩樂之地，地氈購自杜拜。
玉如意是風水師傅為他挑選的擺設。
廚房有六個爐頭， 啱晒喜歡下廚的張太，及她的朋友齊齊煮飯仔。
張生僱用園丁會定期修葺空中花園，亦會跟朋友在天台燒烤。
留言列表
