close
同你吟一吟
歐陽波比回味 𥄫女
拍拖男女要俾對方空間，做咗夫妻嘅，更加！做得到，對雙方有益無壞。最佳示範，八珍認為係歐陽震華同結婚十六年嘅太太傅潔嫻。
上星期五（八月十日），歐陽波比帶埋老婆同麥包麥長青再加多個朋友，一齊喺灣仔烚吓烚吓。食到半場，波比同朋友行出去坐上車吱吱噚，傾傾吓，見到個著 tight身短裙嘅長髮辣妹等的士，波比 𥄫到眼都唔眨，之後仲回味到玩晒脷。
磨到十二點，終於散。不過歐陽先生同太太冇同車走，波比嫂自己搭的士，以為波比有下場？錯晒！仲有下文嘅係佢老婆，波比自己返屋企先。
結婚唔係坐監，對方做乜，只要唔過分，例如 𥄫女！隻眼開隻眼閉，吓吓 check住管住，散得仲易！
睇完好嘢，波比同朋友行返入火鍋店，邊行邊玩脷，好回味。
波比嫂有下場，坐的士走先，三個男人吹多陣，再各自一人一車離開。
波比、麥包同戴 cap帽，計造型，吊腳褲波比潮得多。
烚完都唔願走，因為仲要撈埋電視汁。
全站熱搜
留言列表
