close
同你吟一吟
吳鎮宇泊車高手
正式埋位幫無 綫新劇《衝上雲霄 II》開工 嘅吳鎮宇，上個禮拜去完中環蘭桂坊開夜班，星期一（八月十三日）開日班，仲攝到時間約朋友喺外景附近嘅奧卑利街吹水飲杯 嘢。
拍劇冇得 瞓，吳鎮宇安排司機接送，不過呢期中環係抄牌勝地，停 响邊都隨時中招，吳鎮宇於是一邊飲茶，一邊行出行入留意附近錶位情況，最終俾佢搵到個吉位，為怕走寶，吳鎮宇叫司機倒車駛入 嚟，佢就負責截停後面 啲車。
奧卑利街屬於長命斜，倒車上斜仲要攞尾入泊 S位，八珍自問冇咁好技術，但估唔到吳鎮宇個司機一樣唔掂，唔想阻塞後面交通，老細於是親自落場，吳鎮宇三兩吓手勢，泊完。
出名脾氣差，試過打人罰款，見到司機揸唔掂架車，吳鎮宇冇嬲，之後見到《壹》仔影相，仲打晒招呼：「你 哋咁早到 嘅，我 哋今晚先開工喎！」 唓！《壹》仔唔早到，又點欣賞到你泊車特異功能。
吳鎮宇死守住錶位，打手勢示意司機由斜路底慢慢俾油揸上嚟，呢段路，一共相隔咗七個錶位，難度分等同向後翻騰三周半加轉體 540度兼冇水花。
司機（箭嘴）企正馬路中心截車，鎮宇三兩吓手勢就搞掂，不過落車時都緊張到抹一抹汗。
見到記者影相，吳鎮宇揮晒手，臨走時仲同《壹》仔吹多兩句，心情好到呢！
全站熱搜
留言列表
