魔童王維基親自督師，踩場睇實製作組，重頭大戲押注在廖啟智身上，認真夠膽識。
無路可退
縮皮炒高層 王維基出巡定軍心
「電訊魔童」王維基「賣仔」套現五十億搞電視台，可惜政府仍未有聲氣發牌。大展拳腳遇阻滯，早前還傳出公司要縮皮，三名開國高層被請起；簽下賣身契的藝員，亦因前景不明，人人自危。
為穩住軍心，魔童近日密密出動探班，還紆尊降貴幫手搬器材，實行以身作則，激勵士氣。
大班潑冷水
免費電視牌照有排未到手，早前傳王維基要縮皮，手起刀落炒了三名開國高層；連最近宣布數碼電台執笠的大班鄭經翰也潑冷水，直指政府要控制言論，再發免費電視台牌照，得個噏字。
搞電視台燒銀紙，公司幕前幕後，難免疑慮，究竟老細呢台戲可以玩幾耐！
王維基不顧大老闆身份，落手落腳幫手搬器材，每拍完一個鏡頭都特登坐埋導演旁邊睇 playback。
自由身的林嘉華，連接兩部魔童劇，跟老闆王維基的交情也顯得比其他藝員深。
原始代邦女郎梁寶琪在戲中遭大賊狹持，而駁火戲更用真槍拍攝，火力十足。
「老細喺好多內地電視台都鋪好晒路，而家拍緊嘅劇集，都傾好晒點合作；佢係做科技公司出身，除 咗電視一瓣，仲度緊啲新科技，用嚟發送電視節目。佢同班員工講，以佢 嘅年紀，今鋪應該係最後一次創業，賣 CTI係唔想有後顧之憂。」知情人士說。
上週日（八月五日）中午，王維基現身正在大埔取景的《警界線》拍攝現場。 Cap帽、白衫灰褲，打扮跟現場工作人員無大分別；當日拍攝林嘉華、廖啟智、林利和周俊偉等悍匪駁火戲，極大陣仗。
從大銀幕跳入公仔箱的周俊偉，升呢孭飛主演，算是該公司意欲力捧的演員，演出時也特別肉緊。（ Carmen So提供）
唐寧榮升阿媽後，劇中角色也一樣升級做師奶探員。
港男彭冠期（右）不再眷戀幕前，轉做幕後動作指導，與原始代邦民女梁寶琪在劇中首次合作。
林嘉華劇中飾演專門黑吃黑的賊中賊，手上拿着的是特種部隊狙擊步槍（ Sniper）。
落手搬器材
「佢成日都有 嚟探班，仲由朝留到晚，幾乎勤力過班員工。見到 啲伙食唔係幾好，仲即時俾錢加料，連消夜錢都加 咗，搞到無 綫 嗰邊都加 咗消夜錢。」 CTI員工透露。
當日王維基到場後，第一時間買清涼飲品萬歲，又不時與林嘉華、導演等密斟，甚至落手落腳，幫工作人員搬器材。
這部由廖啟智、林嘉華、周俊偉和林利 孭飛的《警界線》，是 CTI的開台重頭戲，劇中全部動用真槍，幕後班底則是當年幫無 綫構思《學警狙擊》 Laughing哥的朱鏡祺、蘇萬聰等，這部電視電影的製作費，足已投拍一部中型的港產片有餘，絕不慳皮！
當晚氣溫高達 30多度，除廖啟智請食西瓜外，林利也掏腰包請 crew飲凍飲解暑。
魔童王維基為穩定軍心，不但消夜錢加碼，午飯還有三餸一湯供應。
留言列表
