close
同你吟一吟
陳奕迅扮上癮
啱 啱同老婆阿女外遊返香港 嘅 Eason陳奕迅，上星期五（八月十日）晚復工，為全新廣東大碟《...3mm》舉行發布會。
以 80年代做新碟主題， Eason專登以 80年代 look獻唱新歌《碌卡》。 Eason呢晚又上身，扮哥哥張國榮跳舞 chok甫士，唔似另外一回事，純粹自己過癮。之後再扮譚校長、阿 Lam把聲講 嘢，就連霆鋒都唔放過！當然 Eason亦冇忘記自己係吹神，同台下賓客講解新碟內容，一講就半個鐘，講到唔想停。
介紹完新歌， Eason同記者做訪問，係都要戴番副黑超，堅持扮 嘢扮到尾。如果環球唔係同無 綫交惡，扮 嘢節目《玩轉三周 1/2》， Eason肯定爭住做，集集有份！
最叻扮張國榮 chok樣，難得 Eason扮極都唔厭。
稍為心水清，應該估到 Eason扮哥哥《 Stand Up》大碟造型，不過攝褲頭呢個動作，同哥哥無關。
扮完哥哥，再扮老友謝霆鋒拋咪，仲有招牌和平手勢。
Eason老婆同個女無到，台下嘉賓只有佢班老友陳子聰、何超儀、黃偉文撐場。
全站熱搜
留言列表
