星遊記：關心妍遭老外屈錢

■Jade和老公享受二人世界，遊名勝時只能互相替對方拍照。

關心妍（Jade）早前跟老公遊倫敦再度蜜月，慶祝結婚三周年，怎知遇到無良老外屈錢，關心妍給予對方十英鎊當破財擋災，她呼籲大家歐遊時，見到奇裝異服人士要格外小心。
撰文：皓騫

人妻關心妍下嫁老公楊長智轉眼三年，早前兩人到倫敦旅行慶祝周年紀念，這是她首次暢遊英倫，關心妍說：「老公係旅遊癡，咁啱BULGARI喺倫敦開新酒店，自己又未去過英國，所以趁結婚三周年去玩。由於酒店新開，泳池冇人，好似俾我哋包場咁，好正。」

■Jade和老公在倫敦眼玩自拍時，突然有兩位奇裝異服老外入鏡，之後更被對方屈錢。

■Jade和老公撐枱腳，感受英倫浪漫氣氛。

米芝蓮開餐

第一次去倫敦的關心妍，暢遊大笨鐘、倫敦塔橋及倫敦眼時不停玩自拍，怎知卻遇無賴屈錢，關心妍激氣說：「我同老公影自拍時，有兩個着奇裝異服嘅人衝埋嚟一齊影，以為佢哋係玩，點知影完相之後，竟然問我哋攞錢，費事煩畀咗十英鎊（約115港元）佢哋，之後見到着到古靈精怪嘅人都會避開，大家去歐洲要小心。」幸好，此事沒影響兩人興致，繼續盡情吃喝玩樂，關心妍說：「我哋試咗一間米芝蓮餐廳，視覺同味覺都係好享受，仲行咗好多大型商場，店員好有禮貌，好似皇后咁服侍，好有皇族感覺，不過因為未減價，所以只係半出血。」

去邊度：倫敦
玩幾耐：十日

■Jade第一次去英倫，當然要到倫敦眼一遊啦！

■由於酒店新開張住客不多，Jade似包起泳池嘆世界。

■在英倫喪行名店，不過因未減價Jade只是半出血。