close


遊Las Vegas
告別TVB後，方健儀上月27日就出發溫哥華探親團，3月9日才回港。

TVB大地震，陳志雲忽然回巢商台做CEO，王維基又帶住張可頤、廖碧兒反攻，大婆台慣性收視隨時幻滅。
台前幕後瘋狂被挖角，估唔到連新聞部都遭殃，早前有靚仔柳俊江離巢，最近連一姐方健儀都轉行去ICAC做高級新聞主任。睇新聞冇晒樂趣，惟有上微博關注方姐近況，睇班主播旅行相調劑吓啦！

方健儀調皮遊美
07年開始做主播嘅方健儀，憑住斯文大方外形兼淡定台風成為TVB新聞部一姐，09年1月擢升為首席記者，可惜今年35歲嘅方姐決定跳出電視城轉去廉署歎咖啡，2月24日最後一夜更有一班忠實粉絲同佢餞行，主播女王都算威到盡！
唔使晚晚on call，方姐返新工前趁機放假叉電，同老公先去加拿大探親，再直落美國二人世界。

 

伍家謙自晒浴照
32歲體育王子伍家謙生得高大威猛，而且師承伍晃榮，好多觀眾都鍾意睇佢報體育新聞夠生鬼。做得體育記者，家謙本身都熱愛運動，除咗鍾意踢足球，仲係籃球狂熱分子同Michael Jordan die-hard粉絲，成日喺微博狂晒新籃球鞋。而且家謙同郭詠嘉一樣鍾意周圍玩，啱啱先同另一主播姚雋彥去北海道玩，又搞鬼將自己浸溫泉相上載。嘩，引死人咩！

郭詠嘉一人旅行
做開午間新聞、去年底接替羅若安擔任駐北京記者嘅郭詠嘉，外表清新，原來仲好獨立，鍾意一個人去旅行。喺佢微博有大量旅行相同生活照，愛旅行嘅郭詠嘉試過一個女仔去歐洲玩，上月初又飛去台東自遊行。不過睇來睇去都唔見郭詠嘉同男仔嘅拍拖相，唔通因為佢太熱愛自由唔想俾男友綁住？ ####


去完溫哥華，再去拉斯維加斯二人世界，方健儀話佢唔賭，旨在遊。


畏高嘅佢上到大峽谷，巧遇說廣東話嘅情侶，男更即場求婚，好難忘喎。


03年，本來在亞視做體育記者嘅伍家謙，由伍晃榮帶領加入無綫，自此師徒感情深厚，就算恩師離世，伍都會抽時間探恩師嘅孫兒。


1月尾放大假，伍在東京、北海道、札幌等暢遊，玩轉日本。


去年趁兩星期大假，郭詠嘉獨自遊捷克、奧地利、匈牙利等地，仲話：「一個人去旅行都可以自拍。」。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄