close

阿 Sa喺《超》片做經理人，對旗下藝人高雲翔錫到燶， FBI一聽到呢個橋段，應該搵埋陳偉霆做喎！

FBI
阿澤阿 Sa蛇年玩晒
英皇電影近年拍咗唔少猛片，好似《線人》、《逆戰》、《讓子彈飛》等等都係口碑同票房都贏晒，最厲害係影帝人馬齊晒，張家輝、謝霆鋒，更加唔可以唔提有杜汶澤，佢上年攞咗德州影帝，又得到台灣金馬獎兩項提名，上星期又憑《 DIVA華麗之後》攞到第十九屆香港電影評論學會大獎嘅「最佳男主角」，嚟緊金像獎又係大熱，真係行運一條龍！

講開阿澤，已經拍好嘅《超級經理人》再過多兩個月就上映，呢套戲用真正超級經理人霍汶希（ Mani）為藍本，再搵嚟 Mani愛將阿 Sa扮 Mani，同阿澤扮經理人公司老闆放笑彈，票房應該唔使擔心！ FBI仲八到，嚟緊阿 Sa會再孖住阿澤拍另一部愛情小品《愛情博弈》，二人會喺戲中飾演情侶， FBI可以預計蛇年影圈都係英皇玩晒喎！

 

身為超級經理人嘅 Mani雖然近年主力喺北京處理業務，不過仍深得老闆楊受成愛戴，加上咁多影帝級助陣，人人爭氣，楊生放心啦！

杜汶澤喺《超》片內飾演阿 Sa老闆，套戲去過深圳同韓國取景，好揼本！

當日飾演傻強而響朵嘅杜汶澤，憑《 DIVA華麗之後》攞到香港電影評論學會大獎嘅「最佳男主角」，嚟緊嘅金像獎頒獎禮，影帝非佢莫屬。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄