08年喺廣州出道，曾遭內地前經理人公司雪藏1年，葉熙祺說：「我嗰時心散又貪玩，之後我不斷反省，家會努力追番啲時間。」

中日交流

 

𡃁模都夢想攻日，先鋒有升上神枱嘅曉明嫂Angelababy，文詠珊同周秀娜就跟尾，估唔到最近娜姐師妹葉熙祺（AK）竟爬過師姐頭，成功孖住樂基兒與日本名模原友里等拍資生堂洗頭水廣告。
今年正式進軍香港的24歲葉熙祺，其實晨早喺內地及日本出咗名，拍過電視拍過戲，又出過唱片做model，最近除與張智霖和劉心悠拍新戲《天生愛情狂》外，更將主演《喜愛夜蒲2》。'12女神仲講Jeana同Carol？咪咁out啦！

激罕冇整容
家陣妹尤其內地模，一出道已經執過晒，一係超級PS加工個個倒模咁款好易中伏，好在今年24歲葉熙祺純天然，08年出道時個樣同現在90%相似，難怪被日本潮誌《Can Cam》睇中做時裝模。

24歲葉熙祺
中港日三地走的葉熙祺，最近除孖日系潮模和天王嫂基兒做代言sell洗頭水外，更被日本傳媒稱佢為中國新可愛教主及「桃色幻想系美少女」。AK話：「個廣告in咗500個model，佢哋因為睇中我把長髮先簽我，因為拍完洗頭水廣告，年頭被蛯原友里嘅日本經理人公司簽咗，嚟緊我會喺『日本Tokyo Girl Collection』行catwalk，家主要係幫時裝雜誌影相，遲啲會學日文，打算年中推出日本專輯。」未攻日前，葉熙祺已於內地電影《繡花鞋》夥拍林心如、惠英紅齊齊做女主角，最近簽埋周秀娜經理人公司做師妹。對於同門娜姐和Jeana個個要剝，AK話：「佢哋好好身材，我邊夠佢哋呀？同埋我唔係走呢啲路線，唔會剝啦，其實我自己好貪心，拍戲、拍電視劇、做model、唱歌樣樣對我嚟講都好好玩，不過我諗我會以唱歌為主。其實娜姐都好勤力，我未見過佢，不過知佢之前整傷腳都要開工，真係好辛苦㗎！」要冧掂港日宅男，唔一定要靠大咪啫！

 
攻日頭炮已被資生堂睇中做旗下TSUBAKI洗頭水廣告，同系列廣告仲有樂基兒（下）、蛯原有里等一級名模。 ####


前年跟林心如（左）拍攝內地鬼片《繡花鞋》。


AK現於香港跟張智霖拍新片《天生愛情狂》，片中還要跟劉心悠爭仔。


'10葉熙祺出過CD，當年於內地接受電台訪問時，個樣同現在9成似。


廣州出世的葉熙祺，出道時被人話似Janice Man，但索女原來於破碎家庭長大：「我7歲嗰時，阿爸自己落嚟香港後冇再搵番我哋，所以我一直都係由阿媽湊大。」

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    stacylife 發表在 痞客邦 留言(0) 人氣()

    E-mail轉寄