close


May姐當年力捧吳鎮宇，再幫佢開拓電影市場，近年甚少上無綫節目嘅吳鎮宇，竟然破例亮相，孖住「唔震乳」曾華倩成高登話題，而就快開拍嘅《衝上雲霄2》，據知May姐落咗唔少嘴頭叫鎮宇接拍。

陳志雲離開無綫，表面上製作資源部總監樂易玲終於手握大權，但原來志雲一早已穿針引線，力薦分量十足嘅鐵娘子滲入無綫，就係70年代組成無綫藝員部、現拍住曾華倩於無綫主持《May姐有請》嘅May姐馮美基。據知May姐回巢做顧問重奪藝員部，與樂易玲將掀一番惡鬥。


其實，May姐馮美基係無綫其中一位開台元老，當年更聯同劉天賜、吳雨、甘國亮等，開設「藝員部」，捧紅過無數巨星。
離開無綫20年，去年May姐回巢主持《May姐有請》烹飪節目，反應甚佳，據知她眼見無綫王國今非昔比，人材盡失，不時向身邊好友勁呻，知情人士說︰「話晒May姐都係開荒牛，當年一手開創藝員部，每年印發台慶特刊同月曆，藝員按照受歡迎程度排位合照，藝員經包裝後接job多咗，都係May姐諗出嚟。志雲同May姐好熟，加上殼王（陳國強）又係May姐老友，今次May姐回歸無綫，話會轉捧新人。」

回巢做顧問
當年May姐主張藝員拍電影，梁朝偉、劉德華、周星馳都係咁殺出血路。但近10年，樂易玲就唱反調，當紮嘅黃宗澤、吳卓羲、鍾嘉欣，1年起碼拍5部劇集，仲邊有時間拍電影，知情人士說︰「雖然May姐已經過咗退休年齡，但最近佢經常入無綫開會，大家都估佢會回巢做顧問，更會幫年輕嗰班藝員仔開拓電影市場，唔係邵氏出產㗎，擺明同樂小姐對抗。」記者致電May姐，佢就唔肯多講，只係話︰「估計嘅嘢唔回應喇。」咁等你回巢再正式問囉。

點石成金
67歲May姐，60年代加入香港麗的電視。67年為無綫開台、92年入有線，直至02年退休，近年轉戰飲食界，開餅店、出食譜書，更做埋主持。曾發掘過「五虎」、郭富城、周星馳等明星，被喻為香港第一代的金牌經理人。


捧新仔　沈震軒
今年May姐回巢主力捧新人，據知，其中一個力捧新人係28歲、拍《畢打自己人》同欣宜傳過緋聞嘅沈震軒，嚟緊會拍劇拍電影，雙線發展。 ####

 
殼王friend
上年12月，May姐出席好友鄺美雲嘅「Cally K Jewellery」珠寶店開幕，無綫新老闆殼王陳國強仲扶住May姐出場，可見地位超然。《壹週刊》圖片


志雲黨
May姐同陳志雲相識多年，當年志雲搞飯局，養尊處優嘅May姐出山支持，「志雲黨」已經係公開嘅事。《蘋果日報》圖片


製作資源部總監樂易玲


梁朝偉　劉嘉玲 84年嘅 《新紮師兄》係無綫嘅黃金年代，不少公司向五虎挖角，全靠May姐想出包薪留人，偉仔仲係第1個肯簽約。


周星馳 May姐當年監製幫周星馳脫離《430穿梭機》，結果一套《蓋世豪俠》令他一炮而紅。


鄭伊健伊健2次考訓練班都失敗，全靠May姐覺得「佢好靚仔」推薦佢入《430穿梭機》。


郭富城 85年「健美小姐」選舉，May姐眼見郭富城做臨記都做到足，就叫佢做dancer；之後推薦佢拍台灣電單車廣告，喺台灣撈起。


 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄